dvgray

Մեծերը, մեծ արժեքները, վառ անհատականությունները, այրվող ասուպները` դրանք ծնունդ են մեծ ճնշումների, խոշոր բռնաբարությունների:

Հետևաբար, տեսնելով մեծությունների բազմություն, կարելի է խոսել հասարակության խոշորաժամկետ, երկարատև բռնաբարված լինելու մասին;

Ինչքան ավելի մեծ է բռնությունը, այնքան ավելի շատ են մեծերը;
Խոսքը չի գնում ստրուկների մասին, որոնք զրկված լինելով ամեն տեսակի, թեկուզ չնչին ազատություններից, ոչ մի ծակ էլ թողնված չէր ծնելու, ծննդաբերելու: Ստրուկը վիժում էր հղիության դեռևս սկզբնական փուլում; Եթե իհարկե հղիանում էր, որովհետև շատերի արգանդը ընդհանրապես հեռացված էր;
...
Ինչքան ազատ է հասարակությունը, հասարակական հարաբերությունները, այնքան ծնունդը հանգիստ է, սովորական, առօրյա, ոչնչով աչքի չընկնող: Իսկ մանչուկը ` "պոպսա";
...
Հիշարժան է տխրահռչակ Ներոնի կողմից սեփական քաղաքի այրումը, որից նա ծննդաբերեց մի "ներբող" `այրվող քաղաքին...

Նոր ու նորագույն պատմության Ռուսաստան և Գերմանիա, Նապոլեոնյան Ֆրանսիա, ավազակապետական Հոլանդիա, մինչգարիբալդյան և մուսոլինյան Իտալիա;
Բոլորն էլ ունեցած Խոշոր ծնունդներ, մեծ մարդկանց ծնունդներ;

Ժողովուրդների մեծ բանտը` Ռուսաստանը... Ի՞նչ է փոխվել այս նախադասությունը առաջին անգամ արտասանելու օրվանից:
...
Հետևելով ժամանակակից, Պուտինյան-ԿԳԲ-ական Ռուսաստանի իրավիճակին, մոտս լուրջ կասկածներ են առաջանում, որ շուտով մարդկությունը ականատես է լինելու հերթական ռուսական Մեծ Ծննդաբերությանը;
Դա ես շա'տ չեմ ցանկանում;

Ո'չ բռնության:
Սահուն, հանգիստ, ներդաշնակ կյանք մարդուն, ռուսաստանցուն ...և բոլորիս: