Խելքի աշեցե~ք...

[Առողջագետ]

Ուշադիր լինենք և կտեսնեք, թե ինչ անհեթեթություններ կան մարդկության կյանքում:
Ահա մի լուր, որը տեղեկացնում է մեզ, որ հայտնի ֆուտբոլիստ Ռոնալդինիոյին ցանկանում են գնել...և պատրաստվում են վճարել 43 մլն. ֆունտ ստերլինգ: Որևէ անձնավորված վերաբերմունք չունեմ. գուցե լավ մարդ է և փայլուն ֆուտբոլիստ..., բայց մտածում եմ և գիտեմ, թե որքան փայլուն և մարդկության համար չափազանց օգտակար գործեր և գաղափարներ իրենց իրականացման համար մի համեստ ֆինանսավորման էլ չեն արժանանում...: Չեմ լսել կամ տեսել, որ այդքան թանկ գնահատվեն իսկական գիտնականները կամ իսկական արվեստագետները: Ինչու և ինչ պատճառով հատկապես այդքան թանկ են սպորտսմենները, թե ուղղակի սովորել ենք այդ փաստին, ինչպես մյուս ակնհայտ մարդածին անհեթեթություններին: Կարծում եմ, Ջիվանին այստեղ անպայման կասեր."Խելքի աշեցե~ք"...

[Philosopher]

Մասսայական հասարակություններն ունեն իրենց խելագարությունները. մոդայիկ խելագարություններից է ֆուտբոլը, որի մի վազող ներկայացուցչի կարող է տալ նույնքան աշխատավարձ, որքան տրվում է նույնիսկ ամենազարգացած մի երկրի որևէ գիտական հիմնարկի: Մի խոսքով` vanitas vanitatum.

[dvgray]

Արժե ?արդյոք այդպիսի արհամարական վերավերմունք ունենալ սպորտի բնագավառի մեծագույն ներկայացուցչների հանդեպ, նրանց "խոշոր գումարով" ձեռք բերելը համարելով "մարդածին անհեթեթություն": Առ այսօր շատ եմ շփվում սպորտսմենների հետ: Եղբայրս պրոֆեսիոնալ սպորտսմեն է, ձյուդոիստ, իսկ մոտ ընկերս ակադեմիկոսի ընտանիքում մեծացած, միջազգային անուն ու հեղինակություն ուեցող, արդեն պրոֆեսիոնալ կարատեիստ:
Պատկերացնում եմ, թե ինչ մեծ ծավալի գիտելիքներ և մարդկային լավագույն հատկություններ են պահանջվում Ռոնալդինիո դառնալու և ամենակարևորը վերևում իրեն երկար ժամանակ պահելու համար:

Մենք այժմ զրկված ենք մեծ սպորտսմեններից; Հայաստանում դժվար է գտնել Վասիլի Ալեքսեևի, Մեդվեդևի մակարդակի սպորտսմեններ ու մասնագետներ; Կարդացել եմ Մեդվեդևի գրքերից մեկը դպրոցական տարիքում, երբ զբաղվում էի սիրոողական ծանր ատլետիկայով : Մեծ ազդեցություն է թողել իմ վրա: Այդպես բազմաթիվ մարդկանց են դաստիրակել ուրիշ մեծ մասնագետներ-սպորտսմեններ : ...Սպորտի բնագավառի հաջողված, մեծ ատլետներին այն գումարային գնահատականները, որ տրվում են աշխարհում, ըստ իս դեռ բավականին հեռու է իրենց իրական արժեքից:

Ուրիշ հարց է, որ մյուս բնագավառի աշխարահռչակ անձնավորությունները շատ անգամ ընդանրապես փող չեն ստանում, կամ ստանում են անհամեմատ ավելի քիչ, քան իրականում նրանց "շուկայական" գինն է: Սա սակայն չի նշանակում, որ պետք է նվազեցնել սպորտսմենին վճարվող գինը; Ճիշտ կլինի մտածել, թե ինչու են հենց նրանք քիչ վարձատրվում և վերացնել պատճառները; Պատճառը հաստատ են չի, որ ինչ-որ մի սպորտսմեն խլում է նրաց հասանելիք դրամական մասսան:

Մեծագույն սպորտսմեներին պետք չէ հեգնանքով նայել... Դա հավանաբար գալիս է Հայաստանում սպորտի խղճուկ վիճակից:

[Առողջագետ]

Սպորտսմեններին շատ լավ եմ վերաբերվում, բայց կուզեի, որ ամենօրյա սպորտային տեղեկությունների կողքին լինեին և ամենօրյա գիտական և մշակութային տեղեկություններ. այսօր այսինչ կոմպոզիտորը այսինչն ավարտեց, այսինչ ռեժիսյորը այսինչ մտահաղացումն ունեցավ և այլն:
Նաև առաջարկում եմ "Խելքի ա~շեցեք" թեման չփակել և առաջին էջից երբեք չհանել, քանի-որ մեր կյանքում անսահման քանակով անբնական և անհեթեթ երևույթներ կան, որոնց սովորել ենք, չենք նկատում, անգամ կզարմանանք, եթե մեկը ասի, թե դրանք անհեթեթություններ են:
Օրինակ. մեծ գովազդային ցուցանակ քաղաքի կենտրոնական խանութներից մեկի մոտ.
"Բնական հյութեր Իտալիայից" ` գունեղ գեղեցիկ մե~ծ պաստառ... Կարող է թվալ, իսկ ինչ անհեթեթություն կա որ. բայց, նախ, ինչու Հայաստանում խմենք հյութեր Իտալիայից, երկրորդը- միթե այստեղ հումք չկա` քամելու- խմելու համար, երրորդը` միթե հասկանալի չէ, որ արտադրական եղանակով ստացված հյութերը որևէ առումով բնական անվանվել չեն կարող. փորձեք բնական հյութը մեկ-երկու ժամ պահել, և կհասկանաք, արդյոք այն հնարավոր է պահել ամիսներ առանց... այս կամ այն մշակման, պահածոյացնող նյութի կամ այլ միջոցի... Շատ էլ ասում են, երբ պիտի դադարենք ամեն ասածին լսել, և սկսենք տեսնել և մտածել և հասկանալ:
Հիշում եմ մի երիտասարդ մայրիկի, որ դժվար տարիներին մի շատ գեղեցիկ փոքրիկ տարայով "մանկական սնունդ" բերեց ինձ ցույց տալու` երեխային կերակրելու համար: Վրան էլ պարզ գրված էր, որ դա բրնձով շիլա է քերած գազարի հետ, արտադրված Թուրքիայում ամիսներ առաջ: Ի դեպ մայրիկը կարդացել էր և գիտեր պարունակությունը, սակայն այնուամենանիվ նրան թվում էր, թե այդքան գեղեցիկ բանը նաև շատ օգտակար կլինի իր երեխայի համար:
Մի կերպ պարզեցինք, որ թերևս ավելի խելամիտ կլինի տանը թարմ շիլա պատրաստել և տալ երեխային: Այսպիսի օրինակներ, երբ մենք ընդունում ենք անհեթեթ գաղափարներ, երբ վճարում ենք տուփի համար, որը մեկ րոպե հետո աղբարկղում է հայտվում և այլն... ինչքան ուզեք: Եվ այս ամենը բացահայտելը, մարդուն քնից և թմբիրից հանելը, հավատացնում եմ, հրաշալի գործ է, և ուղղակիորեն կապված է մարդու և համայնքի առողջության հետ: Այնպես որ, կոչ եմ անում, որտեղ կտեսնեք մի բան, որը արժանի է "Խելքի ա~շեցեք" բացականչությանը, մեզ էլ ասեք, սթափվենք...

[dvgray]

Այնպես որ, կոչ եմ անում, որտեղ կտեսնեք մի բան, որը արժանի է "Խելքի ա~շեցեք" բացականչությանը, մեզ էլ ասեք, սթափվենք...

Երեկ անցնում էր տիկնիկային թատրոնի մոտով, և ուշադրությունս գրավեց մի ներկայացման աֆիշա; Ներկայացման անունն է` "Հայի բախտ";
Չգիտեմ, թե ինչ են ցուցադրում ներկյաման ժամանակ, բայց վերնագիրը շատ "խոսուն" էր, առավել ևս, որ այս ներկայացումը պետք է դիտեն երեխաները;

Տեսնես ուրիշ ազգեր ունե՞ն նմանատիպ նեկայացումներ` առավել ևս երեխաներին ուղղված; Ասենք "Ռուսի բախտ", կամ "Վրացու բախտ", կամ "Թուրքի բախտ", կամ "Անգլիացու բախտ";

Եվ այսպես ե՞նք մենք ուզում դաստիրակել նորմալ, իրեն և շրջապատին հարգող սերունդ;

Հ.Գ. Կարող է թվալ, որ մանրու՞ք է; Իսկ կյանքում, և առավել ևս մատաղ հոգիների արժեքային համակարգի ձևավորման ու դաստիրակության գործում մանրուքներ լինու՞մ են;