"Մենք ու մեր մարմինը"
Ներկայացնում ենք "Մենք ու մեր մարմինը" հանրագիտարանային ծավալի ու նշանակության գիրքը` ստեղծված "Բոստոնի կանանց առողջության գրքի կոլեկտիվ" խմբի կողմից: Գիրքը թարգմանվել և հրատարակվել է հայերեն 2001 թ.: Գիրքը 480 մեծադիր էջերում ներկայացնում է կնոջ, նրա մարմնի առողջության ու խնամքի համապարփակ գիտելիք, որի անհրաժեշտությունը մեր օրերում ավելի քան ակնհայտ է: "Հոգանք մեր մարմնին", "Փոխհարաբերություններ և սեռականություն", "Սեռական առողջություն և բեղմնունակության վերահսկում", "Մանկածնություն" և "Տարեց կանայք" մասերից բաղկացած գիրքը ներկայացնում է կնոջ սեռականության բոլոր ասպեկտները` տարիքային բոլոր կտրվածքներում, կանանց սեռական առողջության խնդիրները, կանացի մարմինն ու նրա խնամքը, կինն ու նրա սեռականությունը` համակարգված գիտելիքով ու նյութերով:
Պիտի նշեմ, որ այս գրքին ծանոթանալուց հետո հասկացա, որ կանացի սեռականության մասին գիտելիքի կարիք ունեն և' կանայք, հատկապես այնպիսի հասարակությունում, ինչպիսին հայկական է, և, հավասարապես, տղամարդիկ, որոնք չտիրապետելով գիտելիք այդ համակարգին սովորաբար չեն տիրապետում նաև կանացի սեռական երջանկության այն մասին, որին տիրապետել պարտավոր են: Նաև` զարմանալիորեն համակարգված ու գրագետ է տրված նյութը` առանց գռեհկացումների, բայց նաև` առանց ավելորդ կոծկումների, այնպես, ինչպես այսօր առկա է կանացի սեռականությունը` իր բոլոր կողմերով, լույսով ու ստվերով: Համոզված եմ, որ յուրաքանչյուր երիտասարդ` թե մինչամուսնական, թե ետամուսնական շրջանների կենսափուլերում պետք է տիրապետի այս գիտելիքին և ունենա այս գիրքը, որը երիտասարդի սեռական գրագիտության լավ մեկնարկ կարող է լինել:
Գիրքը ձեռք բերելու համար կարող եք անձնական նամակով գրել ինձ կամ կապվել e-mail-ի միջոցով`
hayk [at] mard.am հասցեով:
Մեջբերել
