Ի՞նչը կարող է միավորել մարդկանց

[Philosopher]

Ի՞նչը կարող է միավորել մարդկանց անկախ ազգային, կրոնական և այլ տիպի սահմաններից: Իրականում սա լրջագույն խնդիր է, որը dvgray-ը բարձրացրեց իր Բլոգում`նկատի ունենալով մարդկանց տարանջատման լեզվական սահմանը: Իրականում պարզ է նաև, որ խնդիրը միայն լեզվական սահմանները չեն ու նույնիսկ միայն կրոնական ու ազգային սահմանները չեն: Երբեմն միմյանցից հավասարապես հեռացած են նաև միևնույն լեզվական, մշակութային ու կրոնական խմբին պատկանող մարդիկ: Եվ այսպես, քննարկենք հարցը, թե ի՞նչը և ինչպե՞ս կարող է միավորել մարդկանց:

[Black Orchid]

Ի՞նչը կարող է միավորել մարդկանց անկախ ազգային, կրոնական և այլ տիպի սահմաններից:

Եթե մարդիկ միավորվում են, ապա միավորվում են որոշակի սահմաններում կամ որևէ բանի շուրջ: Միավորումը ենթադրում է սկզբնական, բազային որևէ տեսակի նմանություն: Եթե մարդիկ ոչ մի բանով նման չեն, չեն կարող միավորվել՝ անկախ այն բանից, թե ինչ միավորում են ուզում ստեղծել՝ ընկերություն, ժողովուրդ, հասարակություն, ընտանիք կամ ֆուտբոլի թիմ - կարևոր չէ, միևնույն է. մարդկային ցանկացած տեսակի խմբի ստեղծման հիմքը որևէ նմանություն է: Բնական է, որ տարբեր "տեսակի" ու "որակի" միավորումների համար տարբեր տիպի նմանություններ են հիմք ծառայում:

Երբեմն միմյանցից հավասարապես հեռացած են նաև միևնույն լեզվական, մշակութային ու կրոնական խմբին պատկանող մարդիկ:

Սա հենց վերը նշածս "որակի" հարցն է. ինչ-որ առումով այս մարդիկ միասին են, միավորված են, քանի որ, ասենք, արժեքային համակարգը, թեկուզ մասամբ, բայց նույնն է: Սակայն ինչ վերաբերում է ավելի ամուր, իսկական, մարդկային միավորմանը, իհարկե, շատ դեպքերում այն չկա նույնիսկ որևէ հասարակական խմբի համամասնակից լինելու դեպքում: Այստեղ արդեն այլ բան է պետք, մի բան, որ կաղապարված արժեքների մեջ չի մտնում...
Զգալ է պետք: Զգալ նույնը, ինչ դիմացինդ: Սա ամենակարևոր միավորող գործոնն է: Մասնավորապես կարող է լավ միավորել նույն կամ նման գրական ճաշակը կամ, օրինակ, երաժշտությունը:

[Grieg]

Կան որոշ ընդհանուր խոսքեր, որ կան բոլոր կրոներում, օր` վարվիր քո դիմացինի հետ այնպես, ինչպես կուզենայիր, որ քեզ հետ վարվեին, այսինքն` անկախ կրոնից և ռասայից մարդը ձգտում է հումանիզմի:
Ես գտնում եմ որ մարդկանց կմիավորի պատրաստականությունը օգնելու կարիքավորներին. օգնելը դա շատ ուժեղ էներգիայի ալիք է, որը սնվում է սիրուց և տալիս է սեր` ապահովելով էներգիայի առողջ շրջանառությունը:

[ivy]

Ի՞նչը կարող է միավորել մարդկանց անկախ ազգային, կրոնական և այլ տիպի սահմաններից:

Մարդկանց կարող է միավորել ինքնապաշտպանության բնազդը՝ միավորված վախի ու ատելության հետ, ավելի կոնկրետ՝ ընդհանուր թշնամին:
Սրա վերաբերյալ կան լավ արտահայտություներ՝ «Ո՞ւմ դեմ եք ընկերություն անում» կամ «Թշնամուս թշնամին իմ ընկերն է»:

Գուցե կան նաև միավորող այն հզոր ուժեր, բայց սա իմ իմացածներից ամենաուժեղն է:

[Փայլ]

Ի՞նչը կարող է միավորել մարդկանց

Խոսքը, լեզուն, նաև ինտերնետը => մտքերը, գաղափարները: Արդեն միավորել է:

[Փորփրուկ]

Մարդկանց կարող է միավորել ընդհանուր նպատակը, ընդհանուր շահը՝ անկախ նրանից՝ բարի է, թե չար... Ուղղակի չարի դեպքում միավորումը հաճախ շատ կարճ ժամանակում պառակտվում է...

[Առողջագետ]

Մարդկանց միավորում է հոգեհարազատությունը` զգացմունքների և մտքի մի նուրբ ընդհանրություն կամ նույնություն, որը կապում է մարդկանց. առանց այդ "էներգետիկ" ձգողության անգամ մարմնական հարազատները չեն կարողանում պահպանել կապը, և անգամ հասարակական պարտադրանքի մեխանիզմները չեն փրկում իրավիճակը` կապը խզվում է: Մարդկանց կապը իրար հետ տարբեր շերտեր է ունենում, և երբ նրանցից մեկը իր հոգևոր կամ սոցիալական շերտը փոխում է, կապը փորձության է ենթակվում. և որքան խորն է, որքան ավելի ոգեղեն, այնքանով կարող է պահպանվել: Սակայն շատ կապեր կյանքում ժամանակավոր բնույթ են կրում, անգամ շատ մոտ հարազատների հետ, կյանքի գետը շատ կապեր է քանդում, և սրան էլ է պետք իմաստուն մոտենալ, որպես կյանքի դրսևորումներից մեկը, և սարսափելի սթրեսների չվերածել, ընդունել ի գիտություն: Մեր ժողովուրդը չափազանց ծանր է տանում այդպիսի խզումները, սակայն անհրաժեշտ է իմանալ, որ հարազատական կապը կարող է և բավականաչափ խորը արմատներ չունենալ, և, հակառակը, ոչ հարազատ մարդը կարող է ամենախորքային առումով հարազատ դուրս գալ: Այնպես որ, յուրաքանչյուր միավորում դիտարկեք այս տեսակետից, ձգտեք տեսնել նրա խորության չափը, և շատ մի տառապեք, եթե այն կքանդվի հանգամանքների բերումով: Ճանապարհը երկար է, նոր ուղևորներ կհանդիպեն ձեզ, բոլորին սիրեք, բոլորին գնահատեք, բայց ոչ մեկից մի կառչեք` ազատ եղեք, դա ամենաբարձր արժեքն է:

[Առողջագետ]

Ի դեպ. պարզվեց, որ անցել եմ հարյուրերորդ գրառման սահմանը: Այս առիթով պիտի համաձայնվեմ սիրելի Փայլի հետ. այո, մարդկանց միավորում է նաև Ինտերնետը, և դա իմ կյանքի ամենազարմանալի հայտնագործություններից մեկն է : Այս բոլոր անդամները իրենց հայերեն և ոչ հայերեն անուններով, ինձ համար հարազատ են դարձել, գուցե դա այն խորը հարազատությունը չէ, որի մասին վերևում գրել էի, բայց հետն էլ շատ թեթև և զվարթ հարազատություն է : Շնորհակալ եմ...

[dvgray]

Ճիշտ ասած ես մտածում էի ոչ թե մարդկանց միավորման, այլ միասնական գործիքային բազայից օգտվելու մասին ;
Միասնական գործիքային բազան թույլ կտա խուսափել բազմաթիվ թյուրըմբռնումենրի հետևանքով ծագող կոնֆլիկտներից, ստրեսներից, չարդարացված վախերից; Առավել ևս, քանի որ այդ բոլորը մեծամասամբ լինում են սխալ կոմինիկացիայի արդյունք; Ստեղծել ընդհանուր, բոլորի համար ընդունելի ու հասկանալի գործիքներ, և որոշակի նորմեր նրանցից օգտվելու համար; Որպեսզի հնարավորինս բացառել սխալ կոմունիկացիան, հաղորդակցությունը;
Օրինակ, այս ասպեկտով հարցին նայելու դեպքում ինչքանո՞վ էր ճիշտ կոմպյուտերային բառապաշարի և տերմինների թարգմանումը; Ստեղծվել էր առաջին էտապում մի յուրահատում բառապաշար, որը սակայն տարբեր քաղաքական նպատակներով թարգմանվում է, նպաստելով մարդկանց խմբավորմանը և խմբակային արհեստական անհասկացողությանը; Ու դրա հետևանքով նաև, սա օգտագոևծվում է ի վնաս նույն մարդու և խմբի; Իսկ չէ՞ որ սա մի բացառիկ առիթ էր մարդկանց միջև ընդհանուր ունիֆիկացված հաղորդակցման ցանց ստեղծելու և համընդհանուր ընդունելի ստանդարտ /նորմեր/ մտցնելու համար; Փոխարենը մենք անգամ կոմպյուտեր բառը թարգանեցինք... ու պարտադրում ենք;

Իսկ միավորան կարիք մարդ ունենում է վտանգի դեպքում; Երբ նա առանձին չի կարող հաղթահարել կամ լուծել խնդիրը լավագույն ձևով; Մնացած դեպքերում մարդը ավելի հակված է բնականից ցուցաբերել ինդիվիդուալիստական հակումներ; Ես դա նմանացնում են գայլերի բիոլոգիական պահվածքին /ոչ ընդունված` բացասական իմաստով/; Միավորում, հանուն միավորման` դա ըստ իս շատ ավելի վատ կողմեր ունի իր մեջ, քան լավ կողմեր;

[Philosopher]

Մարդկանց կարող է միավորել ինքնապաշտպանության բնազդը՝ միավորված վախի ու ատելության հետ, ավելի կոնկրետ՝ ընդհանուր թշնամին:
Սրա վերաբերյալ կան լավ արտահայտություներ՝ «Ո՞ւմ դեմ եք ընկերություն անում» կամ «Թշնամուս թշնամին իմ ընկերն է»:

Գուցե կան նաև միավորող այն հզոր ուժեր, բայց սա իմ իմացածներից ամենաուժեղն է:

Դու խոսում ես ադապտացիոն մոդելի մասին, երբ մարդիկ միավորվում են որոշակի պայմաններին ադապտացվելու համար և համապատսխանաբար ձեռք են բերում իրենց շահերը ոտնահարող այլ խմբի նկատմամբ թշնամանք, որն իր հերթին դառնում է նրանց ներքին գործունեության արդյունավետության գլխավոր շարժիչ ուժերից մեկը: Եվ, անշուշտ, ժամանակակից մարդկությունը, հատկապես դրանց մեջ պետք է առանձնացնել ավանդական հասարակություններից, որոնց գիտակցության մեջ առավել ամուր հիմքերն ունի իմ ցեղ-քո ցեղ արխայիկ անջրպետը, մարդկանց միավորումը ընդհանուր թշնամու դեմ բավականին արդյունավետ է: Սակայն սա միայն առայժմ և միայն այն հասարակություններում, որոնք մասսայական հասարակություններ են և ապրում ու կառավարվում են կենդանական-ադապատացիոն գործիքներով

Խոսքը, լեզուն, նաև ինտերնետը => մտքերը, գաղափարները: Արդեն միավորել է:

Այո

Ճիշտ ասած ես մտածում էի ոչ թե մարդկանց միավորման, այլ միասնական գործիքային բազայից օգտվելու մասին ;
Միասնական գործիքային բազան թույլ կտա խուսափել բազմաթիվ թյուրըմբռնումենրի հետևանքով ծագող կոնֆլիկտներից, ստրեսներից, չարդարացված վախերից; Առավել ևս, քանի որ այդ բոլորը մեծամասամբ լինում են սխալ կոմինիկացիայի արդյունք; Ստեղծել ընդհանուր, բոլորի համար ընդունելի ու հասկանալի գործիքներ, և որոշակի նորմեր նրանցից օգտվելու համար; Որպեսզի հնարավորինս բացառել սխալ կոմունիկացիան, հաղորդակցությունը;
Օրինակ, այս ասպեկտով հարցին նայելու դեպքում ինչքանո՞վ էր ճիշտ կոմպյուտերային բառապաշարի և տերմինների թարգմանումը; Ստեղծվել էր առաջին էտապում մի յուրահատում բառապաշար, որը սակայն տարբեր քաղաքական նպատակներով թարգմանվում է, նպաստելով մարդկանց խմբավորմանը և խմբակային արհեստական անհասկացողությանը; Ու դրա հետևանքով նաև, սա օգտագոևծվում է ի վնաս նույն մարդու և խմբի; Իսկ չէ՞ որ սա մի բացառիկ առիթ էր մարդկանց միջև ընդհանուր ունիֆիկացված հաղորդակցման ցանց ստեղծելու և համընդհանուր ընդունելի ստանդարտ /նորմեր/ մտցնելու համար; Փոխարենը մենք անգամ կոմպյուտեր բառը թարգանեցինք... ու պարտադրում ենք;

Իսկ միավորան կարիք մարդ ունենում է վտանգի դեպքում; Երբ նա առանձին չի կարող հաղթահարել կամ լուծել խնդիրը լավագույն ձևով; Մնացած դեպքերում մարդը ավելի հակված է բնականից ցուցաբերել ինդիվիդուալիստական հակումներ; Ես դա նմանացնում են գայլերի բիոլոգիական պահվածքին /ոչ ընդունված` բացասական իմաստով/; Միավորում, հանուն միավորման` դա ըստ իս շատ ավելի վատ կողմեր ունի իր մեջ, քան լավ կողմեր;

Այո, մարդկանց միավորումը հնարավոր է և այդ միավորումը հնարավոր է ընդհանուր մտածողական-էմոցիոնալ նշանային համակարգով, մարդկայնության ընդհանուր չափանիշներով, մարդ-մարդ ուղիղ դիալոգով` որպես համայնականության բնազդի ուղղակի արդյունք