Հարցազրույց dvgray-ի հետ

[Philosopher]

ԴՆ Ֆորումի հարցազրույցների շարքը սկսում ենք dvgray-ի հետ հարցազրույցով: Համոզված եմ, որ նա շատ ասելիք ունի մեզ և մենք էլ ունենք հարցնելիք, այսինքն` մարդուն, նրա տիպը, մտածողությունն ու աշխարհայացքը բացահայտելու ցանկություն: Անշուշտ, նա մեզանից արդեն շատերին հայտնի է իր սուր, դիպուկ, վճռկան դիրքորոշումներով, ելքեր փնտրելու ու գտնելու անսպառ եռանդով: Բայց մարդակայինի հրաշքը հենց այն է, որ անընդհատ բացահայտման կարիք ու հնարավորություն ունի, ուստի կարծում եմ այս հարցազույցը ուշագրավ ու հետաքրքիր կլինի ԴՆ-ի անդամների համար: Սա որպես մուտքի խոսք: Հիմա` ընթացակարգը: Այս թեմայում մոտակա օրերին` մինչև երեքշաբթի հարցեր ենք ուղղում dvgray-ին: Հարցերը կարող են լինել ամենատարբեր ու բազմաբնույթ, ինչը, իհարկե, չի պարտավորեցնում նրան պատասխանել բոլոր հարցերին: Որոշ հարցերին պատասխանելուց անդամը կարող է հրաժարվել, այսինքն` պարզապես չպատասխանել: Դա իր իրավունքն է: Հարցերի քանակը սահմանափակված չէ: Իմանալով dvgray-ի եռանդը` պարզ է, որ նա չի զլանա պատասխանել բոլոր հարցերին: Հարցեր կարող ենք ուղղել մինչև երեքշաբթի երեկո, իսկ չորեքշաբթի օրը հարցեր այլևս չեն կարող ուղղվել: Չորեքշաբթի և հինգշաբթի օրերին (եթե հարցերի առատության պատճառով մեկ օրում դժվար լինի պատասխանելը) dvgray-ը պատասխանում է հարցերին: Եվ այսպես սկսում ուղղել մեր հարցերը dvgray-ին:

Հարցազրույց dvgray-ի հետ

[Առողջագետ]

Իրավիճակը շատ նման է դիմակահանդեսին. և զգում ես մարդուն, և նա քեզ համար գաղտնիք է մնում: Չգիտեմ, կանացի հետաքրքրասիրություն է , թե նախկին սովետական մարդու ցանկությունը /բոլորովին էլ ոչ լավ ցանկություն/ մարդու մասին ամեն ինչ իմանալ: Սակայն ինձ համար մեր ֆորումի անդամները ճանաչողական առումով շատ հետաքրքիր են:
Եվ առաջին հարցս Dvgray-ին. ինչ ամենակարևոր, ամենամարդկային մի բան կա, որ կուզեիք ձեր մասին ասել, ինչն է եղել ձեր հայտնագործությունը ձեր իսկ էության մեջ, ինչն է զարմացրել Ձեզ ձեր մեջ:

[Փայլ]

Այս թեմայում մոտակա օրերին` մինչև երեքշաբթի հարցեր ենք ուղղում dvgray-ին: Հարցերը կարող են լինել ամենատարբեր ու բազմաբնույթ, ինչը, իհարկե, չի պարտավորեցնում նրան պատասխանել բոլոր հարցերին:

Ինձ թվում է, որ ավելի ճիշտ կլինի, որ dvgray-ը, հիմիկվանից սկսի հարցերին պատասխանել: Ըստ իս՝ հենց հարցի պատասխաններն են, որ պետք է նոր հարցեր ծնեն: Ամեն դեպքում առաջին հարցս.
Ինչպե՞ս ես վերաբերվում բեմի վրա խաղացող տիկնիկներին:

[Ervand]

Հարցեր
1. Ձեր կարծիքով չափազանց ինքնավստահ մարդուն, այն մարդուն որ միշտ համոզված է որ իր ասածի ճշմարտացիության մեջ, ինչպես հասկացնել որ ինքը սխալ է մտածում ասենք x հարցի շուրջ:
2. Ինչ վերաբերմունք ունի dvgray- ը <հասարակական կարծիք> կոչվող երևույթի նկատմամբ, և ինչպես կվարվի ինքը եթե իր կարծիքն ու հասարակական կարծիքը հակադրվեն:
Շնորհակալություն

[Philosopher]

Մի քանի հարց, որոնց շարքը կլրացնեմ.

1. Ե՞րբ է dvgray-ը առաջին անգամ զգացել, որ ինքը տարբեր է ու այլ, և այդ նրա զգացողությունը ինչ ապրումներ է առաջացրել նրա մեջ:

2. Մարդ կամ գրական հերոս, որի հետ ինքն իրեն նույնացնում է, համեմատում, գուցե նրանք տարբե՞ր են կյանքի փուլերի համար, գուցե կա մեկ հիմնակա՞նը:

3. dvgray-ը ինքն իրեն ի՞նչ մշակույթի, ի՞նչ մշակութային շերտի կրող է համարում` իր մանկությամբ, երիտասարդությամբ, իր աշխարահայացքով:

Առայժմ այսքանը: Շարունակությունը` հաջորդիվ:

[Black Orchid]

1. Ինչպե՞ս ես տեսնում ապագադ:
2. Ինչպե՞ս կգնահատես ներկադ:
3. Ի՞նչ երազանքներ ունես, ու արդյո՞ք դրանք համընկնում են նպատակներիդ հետ:

[Փորփրուկ]

Նախ մի հասարակ «կենցաղային» հարց.
1. Ի՞նչ է նշանակում մականունդ՝ dvgray, ի՞նչ տառերից/բառերից է կազմված։

2. Ի՞նչ մասնագիտություն ունես, և որքանով է այն քեզ հոգեհարազատ, այսինքն՝ համարու՞մ ես արդյոք, որ դու հենց դրանով պիտի զբաղվեիր, թե՞ կա այնպիսի գործ, զբաղմունք, որին քեզ ավելի համապատասխան ես համարում, ավելի հաճույքով կանեիր կամ անում ես։

3. Սովորաբար ինչպե՞ս ես լիցքաթափվում, հանգստանում ճղճիմ առօրեական հոգսերից ու բացասական լիցքերից։

[Philosopher]

4. Աստծո նկատմամբ վերաբերմունքդ` նրա ներքին ընկալումից մինչև կրոն

[Philosopher]

5. Ազգայինը քո ընկալումը. ի՞նչն է ազգային, ինչո՞վ է այն կարևոր կամ անկարևոր, ազգայինն ու համամարդկայինը, հարաբերություն, կոնֆլիկտ, ակտուալությունը` այսօր` մերօրյա հանրային կյանքում

[Սամվել]

Մի հարց էլ ես տամ մի քիչ անսովոր, բայց ինձ միշտ հետաքրքրել է:

Քանի՞ տարեկան ես... իմ մոտ շատ մեծ տարիքային միջակայք է ստացվել վիրտուալ շփման ընթացքում