Հարցազրույց dvgray-ի հետ

[Black Orchid]

Իսկապես. մե~ծ շնորհակալություն dvgray-ին: Ինչքան էլ որ հասցրել էի ճանաչել նրան, զգալ, որ խորը մարդ է, միևնույն է, այս հարցազրույցը շատ նոր բան տվեց:
Ու եթե մինչև հիմա հարգում էի dvgray-ին, հիմա արդեն նաև սիրում եմ... Չգիտեմ, երևի անկեղծության համար:

[Առողջագետ]

Անկասկած, շնորհակալություն պիտի հայտնել, քանի-որ մեր հարցերին պատասխանելը մեծ ջանք էր պահանջում: Հետաքրքիր զգացում ունեմ, որ dvgray-ին հաջողվեց տալ բոլոր հարցերի պատասխանը, սակայն պահպանել նաև իր անձի խոհրդավորությունը: Որոշ կանխատեսումներ արդարացվեցին. օրինակ` տեխնիկական կրթությունը և ծրագրային մտածողությունը, ինչը տեսանելի էր գրառումներում: Օրինակ, հասարակական բուրգի մասին մենք տարբեր պատկերացումներ ունենք, և ես պատրաստվում եմ գրել, թե ես ինչը նկատի ունեի: Ինձ թվում է, որ հարցազրույցը արդյունավետ էր, մենք մի-քիչ ավելի լավ ճանաչեցինք ու զգացինք մեր ֆորումի անդամներից մեկին` առայժմ dvgray անունով:

[Philosopher]

Իսկապես փայլուն պատասխաններ են: dvgray մտածողին հաջողվեց մնալ իր բարձունքի վրա, ավելին` նկատվեց սեփական դիրքորոշումների մի որոշակի բյուրեղացում, որին dvgray-ը հասնում էր հենց հարցերին պատասխանելիս, դիալոգի պրոցեսում, իսկ դա արդեն ներքին հոսուն կյանք ունեցող, անընդմեջ մտորող ու ապրող, կասկածող ու հաստատող մարդուն, իսկական մարդուն բնորոշ հատկանիշներ են: Մյուս կողմից` dvgray մտածողը սկսեց նաև, թեկուզ և առանձին դրվագներով, բացահայտել իր կենդանի մարդկայնությունը, որն արդեն հիմա թանկ ու հարազատ մարդկային տեսակի մասին է խոսում: Այս հարցազրույցը ինձ համոզեց, որ հանձինս dvgray-ի մենք գործ ունենք կայացած ու ապրող հոգու հետ, Մարդու հետ: Նորից շնորհավորում ու շնորհակալ եմ, եղբայր

[Սամվել]

Շնորհակալ եմ, dvgray

Միշտ հաճելի է գիտակից ու խելացի մարդկանց հետ շփվելը ափսոս մենակ վիրտուալում ունենք այդ հնարավորությունը այս դեպքում

[Հեղինակ]

Dvgray-ի խոսքերից

Դպրոցում աշխատող իմ ծանոթ ուսուցիչներին խորհուրդ եմ տալիս վերջ տալ “ամպագոռգոռ” շարադրություններին, և երեխաներին իրականում սովորեցնել մտքերի շարադրանքի արվեստը: Ոնց սկել, ոնց ասել ասելիքդ, ոնց ավարտել ու մատուցել քո եզրակացությունը; Սակայն պայմանով, որ այդ մտքերը իրականում լինեն երեխայինը:
Նրանք մի քիչ ջղայնանում են իմ վրա, բայց կարծես սայլը տեղից պոկվում է:

Մի քիչ ուշացումով` ցանկանում եմ բարեբանել dvgray-ի տված հարցազրույցը: Իրապես, լայն ու խոր ճանաչողության հետ գործ ունենք, որտեղ ներդաշնորեն միաձուլված են Գիտելիքի երկու ակունք - Ուսուցչի և սեփական ապրում-կենսափորձի ակունքները: Հայրենական մտքի ճապաղ լանդշաֆտի ֆոնի վրա` մեծ ուրախություն է հանդիպել մտածողության արվեստը կրող անձի: Հարցազրույցի մի շարք հատվածներ կարևոր մտքեր են պարունակում, պետք է ուսումնասիրել: Անուղղելի "բարեփոխիչս" էլի նույն միտքն է մտածում` տեսնես dvgray-ը Նոր Հայաստանի կառուցման մեջ ինչ դեր կարող է ունենալ:
Վերևում բերած մեջբերումը վերաբերում է առողջ երկրի կայացման համար շատ կարևոր հարցի` երեխային սովորեցնել մտածել (և, իհարկե, զգալ, սիրել, ապրել):
Ահա թե ինչով պետք է զբաղվի դպրոցը: Ինչին կարելի է հասնել միայն կրթության բովանդակության և ձևերի մի նոր, կենդանի համակարգի ստեղծումով: Սովորել մտածել և սիրել մտածելը - ահա dvgray-ի հարցազրույցի դասը: Մտածել մտածող Տիեզերքի հետ, մտքով Աշխարհ ստեղծել, մտքով Կյանք ստեղծել... Եվ մի օր տեսնել մարմնավորված միտքդ... Իսկապես, արժանի մի գործ Մարդու համար: