ԴՆ Ֆորումի կանոնադրության հիմնական դրույթները
1. ԴՆ Ֆորումը ինտերնետային կայք է, տեղակայված է Հայաստանում, հայկական առաջնային դոմեն-անվամբ, գործում է Հայաստանի Հանրապետության Սահմանադրության և օրենսդրության, ինչպես նաև սույն կանոնադրության շրջանակներում:
2. ԴՆ Ֆորումն ունի իրավաբական տեր, որը հադիսանում է ֆորումի ղեկավարը, և որին պատկանում է ֆորումին առնչվող բոլոր հարցերում վերջին խոսքի իրավունքը: Ֆորումի ղեկավարը որոշում է ֆորումի ներքին քաղաքականությունը, տարբեր ֆորմատներում ֆորումի համագործակցության, ընդգրկման, մասնակցության կամ դրանցից հրաժարվելու խնդիրը:
3. ԴՆ Ֆորումի ներքին կյանքը կարգավորվում է սույն կանոնադրությամբ, որը կարող է փոփոխվել ֆորումի ղեկավարի, ղեկավարների կամ անդամների առաջարկությամբ` ֆորումի ղեկավարի վերջնական որոշմամբ:
4. ԴՆ Ֆորումն ունի որոշակի նպատակներ և խնդիրներ, մասնավորապես` հայկական ինտերնետում հայատառ քննարկումների, ինտերնետային շփման դաշտի ձևավորմանը նպաստելը, հայ հասարակության և հայկական ինտերնետի ինտելեկտուալ, ստեղծագործող, մշակութային տարրերի ներգրավումը մեկ միասնական հայատառ ինտերնետի շրջանակներում, հասարակության տարբեր խավերի ուղղորդումը դեպի նոր ձևավորվող ինտերնետային մշակույթ, համաշխարհային և ազգային ժամանակակից ու ավանդական արժեքներին, գործընթացներին նրանց հասու և մասնակից դարձնելը, ինֆորմացիոն տեխնոլոգիաների միջոցով հասարակական երկխոսության ու զարգացման նոր մակարդակի կայացմանը նպաստելը:
5. ԴՆ Ֆորումի քննարկումներին կարող է մասնակցել ինտերնետ մուտք ունեցող յուրաքանչյուր մարդ` անկախ տարիքային, սեռական, ազգային կամ կրոնական պատկանելությունից: ԴՆ Ֆորումի անդամ դառնալու, ինչպես նաև որևէ անդամի տեխնիկական լիազորությունների ավելացման, պակասեցման կամ արգելափակման դեպքերը կարգավորովում են սույն օրենսդրությամբ:
6. ԴՆ Ֆորումում որևէ անդամի գոյության խնդիրը կարգավորվում է սույն կանոնադրությամբ, և որոշում է ֆորումի ղեկավարությունը: Այս խնդրում վերջին խոսքը պատկանում է ֆորումի ղեկավարին:
7. ԴՆ Ֆորումում շփման լեզուն հայերենն է: Օտարալեզու գրառումները թույլատրվում են որոշ բաժիններում, որոնց ցուցակը կարգավորվում է ֆորումի կանոնադրությամբ:
8. ԴՆ Ֆորումն ունի որոշակի կառուցվածք, որը կարգավորվում է սույն կանոնադրությամբ:
9. ԴՆ Ֆորումում արգելվում են կոպիտ, վիրավորական, պոռնոգրաֆիկ, անբարոյականություն, բռնություն քարոզող, ժարգոնով, վեճ սերմանող գրառումները:
10. ԴՆ Ֆորումում կատարված յուրաքանչյուր գրառում արտահայտում է գրառման հեղինակի կարծիքը:
11. ԴՆ Ֆորումում կատարված յուրաքանչյուր գրառում գրառման պահից դառնում է ֆորումի սեփականությունը (բացառությամբ գեղարվեստական ստեղծագործությունների):
12. Սույն կանոնադրությունը պարտադիր է ֆորումի բոլոր անդամների համար` գրանցման պահից: Ֆորումի կանոնադրությանը հակասող քայլերի դեպքում ֆորումի ղեկավարությունը լիազորված է ձեռնարկել համարժեք գործողություններ:
Ուշադրություն: ԴՆ Ֆորումում այս պահին գործում են գրանցման և սույն կանոնները: ԴՆ Ֆորումի ղեկավարությունը պարտավորվում է ֆորումի կանոնադրության ողջ տեքստը ողջամիտ ժամկետում ներկայացնել ֆորումի անդամների քննարկմանն ու սահմանել նրա ընդունման ու գործառնության կարգը:
Մեջբերել
Black Orchid-ի խոսքերից
