Ինչ բերեց 2007-ը ու ինչ պիտի բերի 2008-ը
Մի քանի օրից 2007 թվականն էլ, ինչպես իր բոլոր նախորդները, կդառնա ժամանակի ու տարածության պայմանականություններից, որը կշարունակի լինել միայն մեր գիտակցությունների մեջ` մեր ապրածի ու չապրածի հոլովույթում իր համեստ կամ մեծ դերը պահելով իրեն: Իրականում, յուրաքանչյուր տարի շանս է, մեծ շանս` տրված յուրաքանչյուր մարդու` իր կյանքի այդ տարում հաղթահարելու ինքն իրեն, ինքն իրենից վեր կանգնելու, ինքն իր կյանքի թելը մեկ անգամ էլ գուշակելու ու վերագուշակելու կամ պարզապես ինքն իր նման ապրելու համար: Առավել մեծ շանս է, սակայն, հաջորդ, նորի տարին, շանս, որը իրական է դառնում, երբ գիտակցում ես ինքդ քեզ, "ծանում" ես քեզ, գտնում ես սխալներիդ արմատներն ու ապրածիդ կենսականության ավիշն ես քո սրտով անցկացնում ու վճռում. ապրել ու լինել նոր հաջորդ տարում, միտքդ ու սիրտդ ուղղել ապագայի լույսերին` անսահման տարածություններից քո, ներքին մարդուդ տրված լույսերը հավաքելով ի մի ու լցնելով դրանք ներքին տարածքումդ: Ամեն նոր տարի նորացում է, հեռացում ինքդ քեզանից, հին քեզանից, հոգուդ ու մտքիդ անկյուններում կուտակված վախերի, ափսոսանքների, չբավարարված ցանկությունների, չիրականացած երազների մոխիրը դուրս թափելու պահանջ ու անհրաժեշտություն է, նույնն ու նորը լինելու տիեզերական վճռին հոգով ու մտքով տրվելու վճռականություն է, սիրելու ու ապրելու կենսականության պահանջ է:
Եվ այսպես, այս թեմայում գրենք, թե ինչ բերեց 2007-ը մեզ` բոլորիս` մեր անձնական ու հասարակական մասնավոր ու ընդհանուր ասպեկտներով, ու ինչ պիտի բերի 2008-ը, ի'նչ վճռականությամբ ենք մտնում նոր տարի, ի'նչը կուզենայինք, որ հաջորդ տարում այլ լիներ, հաջորդ տարում լուծվեր, ո'ր հանգույցը, մեր սրտերին ու մտքերին դրված ո'ր քարկապները, ո'ր դեգրադացնող միտքն ու նպատակը, ո'ր անկյանքությունը: Եվ այսպես, մտնենք նոր տարի ձևակերպված ապրումներով ու զգացումներով: Կարող եք գրել ինչպես ձեր անհատական, այնպես էլ հանրային սպասումներն ու նպատակները:
Կյանքը հրաշք է, փոխվող կյանքը` հրաշքի արարչություն: Ձևակերպենք մեր ապրածն ու ամանորյա վճռականությունը:
Սկսեցինք:
Մեջբերել
Re. Ինչ բերեց 2007-ը ու ինչ պիտի բերի 2008-ը
:
) իմ 2007-ի համար, իմ գոյության, իմ այժմյան էության համար
:
:
