Հարցազրույց Philosopher-ի հետ

[ivy]

Հետաքրքիր ու հարուստ մարդ ես դու, Philosopher:
Ու մի քիչ դժվար է հավատալ, թե այդ մեծ աշխարհը կարող է տեղավորվել մի մարդու մեջ... Ապշած եմ:

[Black Orchid]

***
Ես այնտեղ եմ, որտեղ բառերը զորություն չունեն, ու հրեշտակներն արդեն վաղուց ներքևում են մնացել․․․
*
Հրաշալի հարցազրույց էր․․․
*
Իր գոյությամբ Հայկը վերջնականապես ապացուցում է, որ հրաշքներ աշխարհում, այնուամենայնիվ, լինում են․․․
*
Շնորհակալություն

[Այգ]

Եթե այս Philosopher-ը այլ մարդ լիներ, գուցե բոլորովին այլ բան կարողանայի գրել նրա մտքի, հոգու, կենսափիլիսոփայության և մնացյալ պայծառ հատկանիշների մասին, սակայն դա իմ Հայկն է` որ ծնվեց աչքերը փակ, նրան անմիջապես դրեցին մի փոքրիկ թասի մեջ, որը նման էր մեր մուրաբայի թասին, և հայտնեցին հորը, թե "տղա եք ունեցել": Այդպես էլ ապրեցինք այս տարիները նրա անվերջ հիացնող տաղանդի և հոգու տվայտալից փոթորկումների մեջ, նրա անվերջ աշխատասիրության, անսահման ազնվության, անզիջում խստության և ճշմարտասիրության... այն ամբողջ Կյանքը, որ ծավալվում ու դրսևորվում էր իմ մայրական աչքի առջև, բացահայտում էր մի աննախադեպ հոգու ծնունդ:
Անկասկած, Տիեզերքը մեզ պարգևել է մի Պայծառ Հոգի, ինչպես ինքը կասեր, Մարդ, լիարժեք Մարդ, որով ես այսօր հպարտանում եմ, հպարտանում եմ նրա հոգու անսահման ազատությամբ` միայն այդչափ Ազատ Մարդը կարող է ճախրել, ունակ է մեծ գործերի: Միշտ միայն կնոջ սեր եմ ցանկացել այդ հզոր Հոգուն, քանի-որ սերը կարող է դարձնել Նրան ամբողջությամբ երջանիկ և Բացարձակ Ստեղծագործ: Հուսով եմ, որ Ճակատագիրը հոգացել է այս խնդիրը:
Իմ զավակը ինձ համար Ուսուցիչ է եղել, շատ տեղերում և շատ խնդիրներում ուղղորդել իր բացառիկ բնածին գիտելիքի և իմաստության շնորհիվ: Երանի շատերը օգտվեն այս հզոր Հոգու Ուսուցչությունից, երանի մեր Երկիրը կարողանար տեսնել, գնահատել և խմել այս աղբյուրից:

Շնորհակալություն Ձեզ Հարգելի Առողջագետ, որ նման Մարդ եք Արարել:
Զուր չէ ասված.
«Զավակի դաստիրակությունը սկսվում է ոչ թե ծնվելուց հետո, այլ Բեղմնավորումից առաջ»:

[Առողջագետ]

Շնորհակալ եմ իմ մայրական վաստակի գնահատականի համար, հարգելի Այգ:

[Philosopher]

Շնորհակալ եմ բոլորիցդ

[agne]

Երևի մի քիչ ուշացել եմ, ինչպես միշտ է լինում: Բայց հիացած եմ, ապշած, հավատս չի գալիս, որ այս ամենը կարող է ամփոփվել մի մարդու մեջ, որն ընդամենը քսանյոթ տարեկան է: Եվ կարևորը ՄԱՐԴՈՒ մեջ: Ինձ համար դու իսկական հրաշք ես, հարգելի Philosopher: Երբեք չեմ պատկերացրել, որ մարդ կարող է աշխարհ գալ ու սիրել կյանքը նրա խորին գիտակցությամբ, այն էլ այսպիսի ուժով: Խոստովանում եմ, որ ես չեմ կարողացել ու երևի երբեք չեմ կարողանա սիրել այս աշխարհը, թեև ուրիշը ոչ ճանաչում, ոչ էլ պատկերացնում եմ: Ամբողջ սրտով քեզ երջանկություն եմ մաղթում:

[Philosopher]

Երևի մի քիչ ուշացել եմ, ինչպես միշտ է լինում: Բայց հիացած եմ, ապշած, հավատս չի գալիս, որ այս ամենը կարող է ամփոփվել մի մարդու մեջ, որն ընդամենը քսանյոթ տարեկան է: Եվ կարևորը ՄԱՐԴՈՒ մեջ: Ինձ համար դու իսկական հրաշք ես, հարգելի Philosopher: Երբեք չեմ պատկերացրել, որ մարդ կարող է աշխարհ գալ ու սիրել կյանքը նրա խորին գիտակցությամբ, այն էլ այսպիսի ուժով: Խոստովանում եմ, որ ես չեմ կարողացել ու երևի երբեք չեմ կարողանա սիրել այս աշխարհը, թեև ուրիշը ոչ ճանաչում, ոչ էլ պատկերացնում եմ: Ամբողջ սրտով քեզ երջանկություն եմ մաղթում:

Շնորհակալ եմ, agne