Loesje

[Black Orchid]

Պատկերացրեք՝ քայլում եք ամենասովորական փողոցով, ամենասովորական տրամադրությամբ, ամենասովորական մի օր, ու հանկարծ ուշադրությունդ գրավում է ամենասովորական մի պատի վրայի ամենասովորական հայտարարությունների արանքում փակցված A4 ֆորմատի մի թղթի վրայի մեծ-մեծ տառերով գրությունը. "ՆԵՐԵՑԵՔ ՊԱՐՈՆ ...": Հետաքրքրությունդ մեծանում է. կյանքումդ քանի՞ անգամ ես հանդիպել նման արտառոց ու յուրահատուկ հայտարարության: Ամենայն հավանականությամբ՝ երբեք: Մոտենում ես ու կարդում. "ՆԵՐԵՑԵՔ ՊԱՐՈՆ, ԴՈՒՔ ԿԱՆԳՆԱԾ ԵՔ ԻՄ ԵՐԱԶԱՆՔՆԵՐԻ ՎՐԱ"...
*
Իսկ պաստառի անկյունում, փոքր տառերով գրված է. loesje.org:
*
Ահա այսպիսին էր իմ առաջին հանդիպումը Loesje-ի հետ:

***
Loesje-ն մի սովորական աղջիկ էր Նիդեռլանդներից, ով մի օր արթնացավ ու որոշեց, որ կարելի է աշխարհը ավելի լավը դարձնել, որ ինքը գիտի դրան հասնելու ճանապարհներից գոնե մեկը, որն իրագործելը ոչ միայն դժվար չի, այլև հաճելի է... - Պարզապես կարճլիկ տեքստեր գրել թղթերի վրա ու դրանք փակցնել... որտեղ հնարավոր է:
*
Ու սկսվեց...
Loesje-ի մտքերն ամենուր էին, դրանք փակցվում էին ամեն սպասելի ու անսպասելի տեղ: Հումոր ու քաղաքականություն, ազատություն, ռոմանտիկա, բնապահպանական պրոբլեմներ... - Տարբեր էին պաստառների թեմաները:
Աստիճանաբար Loesje-ին միացան նաև նրա ընկերները, հետո կամաց-կամաց այս յուրահատուկ գործունեությունն ընդլայնեց իր աշխարհագրական տիրույթն ու տարածվեց նաև Նիդեռլանդներից դուրս: Ու թեև արդեն պաստառներ պատրաստող ու փակցնող մարդիկ կարող էին նույնիսկ անձամբ չճանաչել Loesje-ին, միևնույն է, պաստառների վրա անպայման դրվում էր Loesje-ի ստորագրությունը:

*
Հիմա Loesje-ն գրանցված է որպես "ապրանքանիշ", և բոլոր հեղինակային իրավունքները պաշտպանված են: Ավելի քան 25 երկրներում կան Loesje-ի գրասենյակներ, որտեղ հավաքվում են ստեղծագործ ու երազող երիտասարդներ ու միասին որոշում հաջորդ ամսվա հերթական պաստառների տեքստերն ու պարզապես լավ ժամանակ անցկացնում իրենց գաղափարակիցների հետ: Ժամանակ առ ժամանակ անցկացվում են նաև միջազգային հանդիպումներ Loesje-ի՝ տարբեր երկրների աշխատակիցների միջև, կատարվում է փորձի փոխանակում:

*****
Այս թեմայում կտեղադրեմ Loesje-ի տարբեր ժամանակների տեքստերից: Մի զլացեք պարբերաբար մտնել այս թեմա, և խոստանում եմ՝ կստանաք օրվա համար անհրաժեշտ դրական էներգիան:

[Black Orchid]

EUROPE

A THOUSAND MILES FROM HERE

THERE IS ANOTHER PERSON SMILING

Loesje

[Philosopher]

Loesje-ն ժամանակակից եվրոպական քաղաքակարթության գոյության ամենամարդկային արդարացումներից մեկն է: Կյանքի փիլիսոփայության մեծ ու քնքուշ գիտակն ու զգացողը: Հրաշալի են Loesje-ի մտածողության տիպն ու հոգու կեցության որակը: Ես ևս կտեղադրեմ նրա ասույթներից

[Philosopher]

Ահա ընդամենը երկու միտք այս հանճարեղ աղջկա աշխարհից, մտքեր, որոնք կարող են աշխարհը փոխել

[Philosopher]

Մարդակենտրոն կյանքի մասիֆեստ

[Philosopher]

[Black Orchid]

Առանց մեկնաբանության...

[Փորփրուկ]

Հետաքրքիր է, Leosje–ի մասին չէի լսել... Իսկապես յուրօրինակ քնքշություն, ռոմանտիկա ու մարդասիրություն կա նրա «հայտարարություններում»։ Հաճույքով կկարդամ հետագայում գրվածները։

[Black Orchid]

FREEDOM SELDOM WEARS A TIE
Loesje

[Փորփրուկ]

Այսօր կարդացի Leosje–ի մտքերը թարգմանելու մասին Հեղինակի խնդրանքը Black Orchid–ին ու մտածեցի, որ երևի էլի կլինեն մարդիկ, որոնք լեզվին բավականաչափ չտիրապետելու պատճառով չեն կարողանա հասկանալ այս թեմայում տեղադրված գեղեցիկ մտքերը։ Որոշեցի արդեն ներկայացվածներն ուղղակի թարգմանել.

A THOUSAND MILES FROM HERE THERE IS ANOTHER PERSON SMILING.
Այստեղից հազարավոր մղոններ այն կողմ կա մեկը, որը նույնպես ժպտում է։


I AM RIGHT HERE BEHIND YOUR PREJUDICES.
Ես հենց այստեղ եմ՝ քո նախապաշարմունքների հետևում։


COMMUNISM DIDN'T WORK
CAPITALISM DOESN'T WORK
YOU WORK.
Կոմունիզմը չաշխատեց։
Կապիտալիզմը չի աշխատում։
Դու՛ ես աշխատում։


THE WORLD IS MORE BEAUTIFUL WITH YOU
Աշխարհն ավելի գեղեցիկ է քեզանով։


EVERYTHING IS MUCH EASIER IF YOU LOVE YOUR NEIGHBOUR INSTEAD OF YOUR COUNTRY
Ամեն ինչ շատ ավելի հեշտ է, եթե երկիրդ սիրելու փոխարեն սիրում ես հարևանիդ։


I WOKE UP THIS MORNING AND FOUND THE WORLD ON MY DOORSTEP
Այս առավոտ ես արթնացա և աշխարհը գտա իմ դռան շեմքին։


FREEDOM SELDOM WEARS A TIE
Ազատությունը հազվադեպ է փողկապ կրում։