ԴՆ Ֆորումի անդամների ինքնադիմանկարները և դիմանկարները

[Philosopher]

Այս թեմայում ԴՆ ֆորումի անդամները ներկայացնում են իրենց, ինչպես նաև ֆորումի այլ անդամների դիմանկարները: Ներկայանում ու նկարագրում ենք միմյանց:

Սկսեմ ես: Ես` Philosopherս, նույն ինքը` ՀՀ քաղաքացին, մասնագիտությամբ` բանասեր, մտածողությամբ` սեփական արտադրության էքզիստենցիալիստ, ապրելակերպով` կյանքի փիլիսոփա, էությամբ` մարդ: Մնացածը տես` ֆորումային գրառումներում և Անձնական բլոգում:

[Առողջագետ]

Սիրելի ֆորումցիներ
Տարբեր հանրույթներում եմ ներկայացել, բայց այս ներկայացումս ինձ համար շատ անակնկալ է և հուզիչ: Կյանքը միշտ անսպասելի է, երբեք չէի կարծի, որ այնքան սովորական դարձած ‘’ երկրային’’ շփումից զատ երբևէ ‘’ինֆորմացիոն’’ համայնքի անդամ կդառնամ…Երբ երեխաներս , որպես անհամբեր ուսուցիչներ, համակարգչային գրագիտություն էին ինձ տալիս, հիշեցնում էի նրանց, որ ես էլ իրենց տառերն եմ սովորեցրել, և դա էլ հեշտ չի եղել…
Եվ այսպես, ես ֆորումի “ Առողջագետ”-ն եմ, ինձ համար ֆորումը լուրջ բաների մասին երիտասարդական թեթևությամբ խոսելու, ջերմ մարդկային շփման միջոց է:
Մարդկանց մեծ մասը ինձ տիկին Արուսյակ է կոչում` ծանոթներս, հիվանդներս, ուսանողներս…Երբ առաջին անգամ ինձ “տիկին” կոչեցին, ես երիտասարդ բժշկուհի էի, նորածին զավակի մայր; դա ինձ շատ վիրավորեց, քանի-որ այն տարիներին “տիկին” մեր բաժանմունքում կոչում էինք միայն մեր ավագ տնտեսուհուն, իսկ մենք բոլորս`բժիշկներս, -ովնա կամ -ովիչ էինք: Դուք այդ ժամանակները չգիտեք, չնայած այն բանին, որ շատ հետքեր, հատկապես, հոգեբանության մեջ դեռ պահպանվել են: Հետզհետե սովորեցի, բայց դա դեռ միայն սկիզբն էր այն մեծ փոփոխությունների, որ պիտի լինեին մեր և բոլորի կյանքում:
Այդ տարիներին ես սովորական բժշկից առողջագետ դարձա; դա շատ դժվար ճանապարհ էր…
Իսկ թե ինչով է տարբերվում առողջագետը բժշկից, ինչ է առողջագիտությունը և այլ հարցերի պատասխանը, կարծում եմ, կգտնեք “Առողջագետ”-ի գրառումներում:

[Sita]

ես մասնագիտությամբ բանասեր գրականագետ եմ հիմնականում ռուսերեն լեզվի և գրականության, առաջին քայլերս եմ փորձում դնել հոգեբանության և փիլիսոփայություն ուսումնասիրելու մեջ: Առայժմ արևելքի փիլիսոփայությունն է քաշում, ինչպես նաև առողջագիտական տեսանկյունից արևելքի առաջարկած մեթոդներն եմ ուսումնասիրում և օգտագործում:
Տանը մի հատ ֆշշիկ ունեմ սև կատվի տեսքով, որին շատ եմ սիրում բայց մեր սերը փոխադարձ չէ

[Սամվել]

Հարգելի Ֆորումցիներ
Ես Սամվելն եմ Անթանյան...
19 Տարեկան եմ..
Սովորում եմ Հ.Պ.Ճ.Հ.ի Սինոփսիս Արմենայի հետ համատեղ Միջդեպարտամենտային ամբիոնում Գեր մեծ ինտեգրալ սխեմաների նախագծում մասնագիտությամբ 3րդ կուրս
Հետաքրքրվում եմ սպորտով, հոգեբանությամբ և փիլիսոփայությամբ։
Շատ հաճելի է Հայատառ ֆորումի մասնակիցը դառնալ

[Tigris]

-Ողջո՜յն, ես Պանդուխտն եմ: Կարելի չէ ծածկել ինքնութիւնս, յետոյ ինչո՞ւ ծածկել: Ինձ կոչում եմ արեւմտահայ, ինքս ինձ համարում եմ Հայ, ինձ կոչում են սփիւռքահայ, ինքս չեմ սիրում «սփիւռք» բառը: Մասնագիտութիւն չկայ: Կամ ես եւ կեանքս, որ անցնում է: Չհասկացայ այս զրուցարանի ստեղծման նպատակը, երբ կան նմանօրինակ հայկական այլ զրուցարաններ, բայց անկեղծութիւն տեսայ. դրա համար ներկայացայ: Սա շատ նման է դրան: Յուսամ մաքուր տեղ լինի, որակաւոր զրոյց շրջի:
Արդէն մէկ տարուց աւելի է գրում եմ համացանցում. նկատել եմ մարդկային մի թուլութիւն, որն սպաննում է անհատը: Դա փոխադարձ գովասանքի թակարդն է, այդ կաշառքի պատճառով փափկանկատութեամբ մօտենում ենք զիրար. չնեղացնելու չնեղանալու համար: Այդ ընթացքում եսդ մեռնում է, չես ասում կարծիքդ, բարեկամդ, ընկերդ, գուցէ համացանցի միջոցովդ ճանչածդ անձը չխրտչեցնելու սիրոյն:
Մաղթեմ լաւ վայր լինի, որտեղ օգտակար միտք յղկելու առիթ կունենանք միասնաբար:
Գալով մականունիս. ընտրութիւնը պատահական է, բայց Տիգրիս անունը պատահական չէ: Այս գետը բղխում է հայկական լեռնաշխարհից եւ որոգում միջագետքը: Միջագետքեան անցեալի քաղաքակրթութիւնները. պարտին Տիգրիս եւ Եփրատ գետերու ջրին: Ջուրը կեանք է, եւ դժբախտաբար դրա համար գուցէ ապագայում պատերազմի պատճառ:

[Ուրվական]

Դե, երկար չեմ խոսի իմ մասին, ես Գոռն եմ: Ուղղակի կասեմ. այստեղ եմ, որովհետև շատ եմ սիրում ԴՆ-ն, որովհետև մտնելուց ես համակարգչի էկրանից նույնիսկ զգում եմ սեր... միայն սեր...