Էգոիզմ

[Black Orchid]

Ի՞նչ եք կարծում, իրականում ի՞նչ է էգոիզմը:
Մի՞թե այն ամենն, ինչ անում ենք, էգոիզմի արդյունք չէ: Նույնիսկ ամենաչնչին բանը, որ արվում է, նույնիսկ ուրիշ մեկի հանդեպ գործած բարի արարքը, արվում է սեփական անձի, դրան բավականություն տալու համար (իմ կարծիքով):
Իսկ դո՞ւք ինչպես եք կարծում:

[Այգ]

Ի՞նչ եք կարծում, իրականում ի՞նչ է էգոիզմը:
Մի՞թե այն ամենն, ինչ անում ենք, էգոիզմի արդյունք չէ: Նույնիսկ ամենաչնչին բանը, որ արվում է, նույնիսկ ուրիշ մեկի հանդեպ գործած բարի արարքը, արվում է սեփական անձի, դրան բավականություն տալու համար (իմ կարծիքով):
Իսկ դո՞ւք ինչպես եք կարծում:

Կարծում եմ արժե հայերեն համարժեքով չափել:
Նայած ի՞նչ է նկատառվում այդ հունարեն բառի ներքո, եսամոլություն, թե՞ ինքնասիրություն:
Բնական է, որ անհատը պետք է ձգտի հաստատ լինել ինքնության մեջ:
Այդ իսկ պատճառով պետք է ժամանակ առ ժամանակ մաքրագործվի եսակենտրոնությունից:

[Philosopher]

Էգոիզմը աշխարհի հետ երկրորդական կապերի անմիջական արդյունքն է, երբ մարդը կորցնելով առաջնային բնական կապերը նրա հետ, աշխարհի հետ մտնում է երկրոդական անբնական կապերի հետ: Մարդը ամեն ինչ կարող է անել առաջնորդվելով իր անձը, նրա ներքին բովանդակություն հարստացնելու ցանկությամբ, սա էգոզիմ չէ, կարող է անել նաև` իր անձի կողմ էներգիաներ, զգացողություններ ձգելու համար, սա արդեն էգոիզմ է: Այնպես որ չեմ կարծում թե ամեն ինչ անելու արդյունքում դրանից հաստանալը էգոիստական մղում է: Յուրաքանչյուր առանձին դեպքում յուրաքանչյուր առանձին գործողություն, կարծում եմ, ունիկալ է

[Նինուրտա]

Էգոիզմին հակադրվում է ալտուրիզմը: Ալտուրիստը այն մարդն է, ով ավելի շատ հոգ է տանում ուրիշի քան իր մասին:
Ոմանք էգոիզմը դիտարկում են որպես կյանքի շարժիչ ուժ: Էգոիզմը դրական երևույթ համարող մտածողները կարծում են, որ մարդն իր կյանքի զգալի հատվածն անցկացնում է իր մասին հոգ տանելով ինչի արդյունքում էգոիզմը միանգամայն ընդունելի դիրքորոշում է: Իսկ բարոյագիտական տեսանկյունից էգոիզմը դիտարկվում է որպես բացասական դիրքորոշում: Չեմ հիշում որ փիլիսոփան էր ասել, որ ամենևին էլ վատ չէ երբ մարդն ինքն իրեն արժեվորում է, բայց էգոիզմի չարությունն այն է, որ մարդը բարձր գնահատելով իրեն, նույնը չի անում ուրիշների հանդեպ: Իմ կարծիքով էգոիզմի վտանգը ոչ թե այն է, որ մարդն ինքն իրեն սիրում է, այլ այն որ անհրաժեշտից ավելի շատ է սիրում: