Արբանյակային հեռուստատեսություն

[Վանական]

Առաջարկում եմ քննարկել Հայաստանի արբանյակային հեռուստատեսության հեռարձակած հաղորդումները,« Թեժ անկյուն»,

[Philosopher]

Եթե հեռուստատեսություն դիտում եմ, ապա հենց արբանյականին հեռուստատեսություն, քանի որ արբանյակային կապով հեռարձակվում են բավականին հետաքրքրիր ու ուշագրավ ալիքներ, որոնց հետքն անգամ չկա սովորական, մահկանացուական անհեթեթ հեռուստատեսությունում: Սովորաբար դիտում եմ ռուսական 24 Док հեռուստաալիքը, միայն հանուն որի արժե ունենալ այդ` արբանյականին կոչվող հեռուստատեսությունը

[Վանական]

Ինձ հիմնականում հետաքրքրում է ՀՀ արբանյակային հաղորդումները ,այս պահին հաղորդումների մեծ մասը ,ինձ նրանք հիմնականում չեն բավարարում ,չնայած հարկավոր է շեշտել որ ահռելի աշխատանք են կատարել այդ ուղղությամբ:

[Philosopher]

Ինձ հիմնականում հետաքրքրում է ՀՀ արբանյակային հաղորդումները ,այս պահին հաղորդումների մեծ մասը ,ինձ նրանք հիմնականում չեն բավարարում ,չնայած հարկավոր է շեշտել որ ահռելի աշխատանք են կատարել այդ ուղղությամբ:

Եթե նկատի ունես հայկական հաղորդումները, ապա դրանք չեմ դիտում

[Tigris]

Իրավիճակը հաւասարակշռելը մեր ձեռքը չէ այլեւս, բայց գոնէ հասկանանք եղելոյթները, տանք ճիշտ անունները, բնորոշումները, կամ փորձենք այդպէս անել:

Քաղաքական բանավէճերը, քննարկումները, հայկական հեռուստակայանների յայտագրերի մաս չի կազմում. այդ իմաստով թուրքերը մեզնից շատ առաջ են անցնել՝ տասնամեակների աւանդոյթ ու փորձառութիւն ունեն. նոյնիսկ պետական հեռուստաալիքները կարողանում են քիչ-շատ տարբեր տեսակէտներ ունեցող անձինք հրաւիրել ու բանավէճ արծարծել:
Ազգի ու հայրենիքի համար անկիւնադարձային այս պահին, հայկական հեռուստաալիքների,- արբանեակային,- միակողմանի ու միատեսակ կարծիքներ ունեցող անձանց եթեր տրամադրելը, ըստ իս, չի նպաստում իրականութեան սթափ գնահատման ու միայն հեռուստատեսութիւնից տեղեկացւող հասարակութեան մօտ իրավիճակի ճիշտ գնահատմանը:

Թեր եւ դեմ արտայայտող բանավիճողների նախագիծ վաղուց չկայ: Ընդդիմադիր տեսակէտները, լաւագոյն դէպքում, հակիրճ լուրի տեսքով փոխանցւում է հաղորդավարի լեզուով: Քաջութիւն չունենք հայերս, հայերի հակառակ տեսակէտը հնչեցնելու:

[Tigris]

Դարձեալ սերիալի մասին
Այսօր ելեկտրոնային մի թերթում հարեւանցի ընթերցեցի ոճրային սերիալի մասին, այն՝ որ հասարակութեան մէջ մեծ ռեյտինգ ունի:
Այդեօ՞ք այդպէս է: Մի երկու, երեք տարի առաջ կարծում էի հայ ժողովուրդը ընդհանրապէս անճաշակ է, մինչեւ որ երգի, պարի, եւ այլ գեղարուեստական բովանդակութեամբ մրցոյթներում նկատեցի ժողովրդի մեծամասնութեան բարձրաճաշակ լինելը, ցեխը ջրից զանազանելը:
Մեզ հրամցնում էին իրենց աճեցրած, «բռնի» երգիչ ու երաժիշտ դարձած կերպարներ. ու ասում էին՝ սրանց պիտի նայէք, սրանք պիտի ունկնդրէք: Հիմա էլ մեզ փորձում են համոզել, որ սերիալները շուկայ ունեն, լաւ ժամանց են, եւայլն:
Շատ կը ներէք, պիտի գրեմ ֆորումակիցիս մի անգամ օգտագործած բառը՝ սըֆաթ: Մենք գործածում ենք սուֆաթ՝ անհրապոյր դէմք ունցող մարդը նշելիս: Ուրեմն, երբ տեսնում եմ այդ սուֆաթները, կամ սուֆաթսըզները, իսկոյն փոխում եմ ալիքը, գոնէ ես չեմ սիրում ու ուզում եմ միշտ ասել, ձեզ ձանձրացնել ասելով՝ որ չեմ սիրում:
Կրիմինալ սերեալներ ցուցադրելը նոյնն է ինչ ցուցադրել տան տուալետը, կղկղանոցը:
Բողոքում եմ, ոչ այն պատճառով, որ իրականութիւնից կտրուած եմ, չեմ ճանաչում կրիմինալ կերպարների ու կրիմինալութեան գոյութեան փաստը, այլեւ նրանց հայկական տիպի լինելութեան իրաւունքը: Ընդհակառակը, ես ճանաչում եմ նրանց ինքորոշման, ազատ գործունէութեան, խօսքի եւ արտայայտման ազատութեան իրաւունքը, բայց թէ մի քիչ արուեստ յիշեցնող գեղագիտութեամբ ներկայացուէր:
Չգիտեմ այլոք ինչպէս կմտածեն. կնախընտրէի մոռացուած մի գիւղի աղբիւրը դիտել, կարկաչը լսել՝ ժամերով, գուռից ջուր խմող թռչնիկների խաղը նայել, քան թէ էլիտար քեարթուներին նայել, մարդիկ՝ որոնց կերպարն ունեցողները «նստած» վիճակում են՝ Մոսկուաներից մինչեւ Լոս Անջելես:
Վերջապէս՝ չմոռանանաք որ այս տիպի մարդիկ գողանում են՝ այրիներից, որբերից, պետութեան գանձարկղից, հանրութիւնից: Հակապետական, հակազգային ու հակամշակութային ազդեցութիւն ունեն այսօրուայ կրիմինալ բովանդակութեամբ սերեալները:
Պէտք է միայն շնորհակալութիւն յայտնել մեր արբանեակային հեռուստակայաններին, որովհետեւ նպաստում են քանդուելու եւ փճանալու մեր հայկական ձգտմանը:

[Tigris]

Հայկական 5 արբանեակային հեռուստատեսութիւնների լաւ առանձնայատկութիւնները:

1- Հանրային Հեռուտսատեսութիւնը՝ «Հ1»-ը ունի գրականագիտական, պատմագիտական եւ այլ բանասիրականհաղորդումներ, որոնց նմանը ուրիշը չունի, կամ այդ մակարդակովը չունի:

2- «Շանթ»ը ունի յաջողած երաժշտական նախագծեր, որոնք գրեթէ համահայկական մթնոլորտ են ստեղծում:

3-«Արմենիա»ն ցուցադրում է հին հայկական ֆիլմեր, նախօրօք հանդիսատեսը լաւապէս պատրաստելով դրանց: Ունի «Մեր Լեզուն Մեր խօսքը» հաղորդաշարը:

4-"tvARMru" հեռուստակայանը ունի հայրենի բնաշխարհը եւ հնավայրերը բացառիկ ճաշակով ու որակաւոր երաժշտութեամբ ներկայացնող տեսաֆիլմեր: Այս բացը նա է լրացնում:

5- «Երկիր»-ի բոլոր հաղորդումները չեմ դիտել. նախնական տպաւորութիւնս այն է, որ յատկանշւում է Սփիւռքի լուրերը միւսներից աւելի յաճախակիօրէն եւ մանրամասն տալու հակումով:

[Tigris]

Սիրիական հեռատեսիլի ալիքները նահատակների յուղարկաւորութիւն ցուցադրելիս. սփռում են հայկական մեղեդիներ՝ ծիրանափողի նուագածութեամբ: Եւ երբեմն՝ քրդական տխուր մեղեդիներ:

Ժամանակին, «Շանթ»-ը, դուդուկի մրցոյթ կազմակերպեց: Լաւն էր: Երեւի նորից կը ցուցադրեն. ձմեռ ժամանակ մեր սրտերը կը ջերմանան ծիրանի փողով:

Որովհետեւ ծիրանի փողի ձայնը յաջողել է, գրաւել է, շահել է արուեստասէրների համակրանքը դարերի ընթացքում, մինչ մարդկանց ձայնը, որ հնչում է այժմ, շահել է ձայնի որակից աւելի տեսքին ու սեռայնականութեանը համակրող մարդկանց համակրանքը:

Տեսահոլովակների մեր ժամանակում, երգը տուժում է, երկրորդական է դառնում, կամ աւելի ճիշտ՝ երգի բացակայութիւնը իբր լրացնում է տեսահոլովակային գունագեղ եւ շարժուն ձայնապատկերները:

Գրեցինք, գրեցինք եւ գրեցինք, սակայն ոչինչ փոխուեցաւ: Եթերով սփռում են տակաւին տհաճ նիւթեր. զրուցավարներն ազատ են զգում լեզուի հետ վարուել քմահաճօրէն. տափակ սերիալներ:
Ամենաանմեղ սերիալներից «Շանթ»-ի բանակային կեանքը նիւթ ունեցողը, գուցէ ժամանցային, գուցէ ծիծաղաշարժ, բայց անօգուտ եւ դաստիարակչական ոչինչ ունեցող:

«Արմենիան»՝ նրա սփռածի մեծ մասը բռնես աղբանոց թափես: «Հայկո-Մկոն» վաղուց է չեմ նայում: Սպառուեց, վերջացաւ, յոգնեցի Մկոյի այդ քյարթու կերպարից: Ժամանակը ընթանում է, մարդիկ փոխւում են, նոր սերունդներ են աճում, բայց այդ «Արմենիայի» հայկոմկոյական սերիալը նոյն «երգն» է երգում:

Ափսոս չէ՞ եթերը զբաղուել է նման աւելորդ անիմաստութեամբ: Բանակ ես ուզում պահել, բանակի մասին, -թէկուզ կեանքի հայելին չլինի,- գեղեցիկ սերիալ ներկայացուր: Սերունդ ես ուզում աճեցնել, որպէս կիրթ քաղաքացի, հայկոմկոյական զիբիլները ջնջէ: Չես կարողանում նիւթ ստեղծել, թատրոնի ուժով ֆիլմ ստեղծել, թարգմանի՛ր ուրիշ ժողովուրդների ստեղծածը եւ հրամցուր ժողովրդիդ:

Ինքնասպանութիւն է մեր հայկական եթերի կատարածը: Ես արդէն առաջուայ պէս չեմ նայում. սիրտս դուդուկ լսել ուզեց՝ յիշեցի հայկական հեռատեսիլը:

Անկում է ապրում հայկական հեռուստատեսութիւնը: Մեր ժողովուրդը աւելի առաջադէմ է, քան մեր եթերը:

Այս առթիւ շնորհաւորում եմ «Կենտրոնի» արբանեակային լինելը: Բարի երթ: