Հարցեր բժիշկ-առողջագետին

[Christiana]

Բարև ձեզ սիրելի Առողջագետ:
Քանի որ հղի եմ պետք է շատ կալցում օգտագործեմ: Կաթնեղեն գրեթե չեմ օգտագործում ոչ էլ արհեստական վիտամիններ: Գիտեմ որ օրական պետք է օգտագործեմ 1200 мг կալցում, բայց երևի դրա կեսն էլ չեմ օգտագործում: Ու հիմա եղունգներիս ու մազերիս վիճակը շատ վատացել է: Կարդացի որ քունջութը շատ մեծ քանակով կալցիում է պարունակում , ինչպես նաև դրա յուղը: Ինձ հետաքրում է քաղցրեղենները, որոնք պատրաստված են քունջութով պահպանում են արդյոք նրա օգտակար հատկությունները ? ասենք կոզինախը, թե չարժի դրանցից օգտվել, որովհետև հենց բնական քունջութի սերմեր ոչ մի տեղ չեմ հանդիպել վաճառքի: Եվ արդյոք դեղատներից գնված յուղը կարելի է օգտագործել սննդի մեջ?:
Եթե կարելի է ասեք ուրիշ էլ ինչով կարելի է լրացնել կալցիումի պակասը:
Նախապես շատ շնորհակալ եմ:

[Առողջագետ]

Սիւելի Քրիստիանա, ներողամիտ եղիր ուշ պատասխանիս համար: Իհարկե, կալցիում անհրաժեշտ է, ինչպես նաև շատ այլ նյութեր: Ընդհանուր առմամբ ճիշտ է շատ միրգ և բանջարեղեն ուտել: Ինչ վերաբերվում է կալցիումին` ամենալավ և բնական տարբերակը- ձուն լավ լվալ կամ նույնիսկ խաշել որևէ վտանգից խուսափելու համար, ապա կեղևը մանրացնել և օրեկան կեսը կիտրոնի հյութով խմել կամ լցնել ճաշերի մեջ:
Քունջութը լավ է ուտել թեթևակի բոված ծովի աղով և ապա աղացած: Ցանել սալաթների, փլավների վրա: Վաճառվում է շուկաներում, համեմունքների հետ, կամ Հալեպ խանութների ցանցում: Յուղը ևս նույնքան օգտակար է: Այսքանը. երջանիկ մայրություն եմ ցանկանում:

[Christiana]

Սիրելի առողջագետ հղիությանս վերջին ամիսն է, ինչ կարելի է անել զարկերակային ճնշումը բարձրաձնելու համար, շատ ցածր է (85/55), որի պատճառով ինձ շատ թույլ ու վատ եմ զգում:

[Գրիշ]

Գիտե՞ք ինչն է ինձ հետաքրքրում, միգուցե ավելի փիլիսոփայական հարց է, բայց հետաքրքիր կլիներ Ձեր կարծիքն իմանալ: Խոսքս ավանդական բժշկության և առողջության պահպանման ոչ ավանդական մեթոդների "հակամարտությանն է" վերաբերում: Վերջինների շարքին, միգուցե հենց առաջին տեղում, դասում եմ նաև յոգան: Նման պրակտիկաներով զբաղվողների աշխատություններից շատերում նշվում է մարդկային հնարավորությունների անսահմանափակության մասին` յուրաքանչյուր ոք, վարելով որոշակի ապրելակերպ, կարող է ձեռք բերել ունակություններ, որոնք հասանելի չեն սովորական կյանք վարող մարդկանց: Շատ չեմ ուզում խորանալ այս տեսությունների և պրակտիկաների մեջ, բայց կուզենայի իմանալ, ավանդական բժշկության տեսակետից, մարդկային օրգանիզմի հնարավորությունները որքանո՞վ են սահմանափակ: