Philosopher... :love

[Black Orchid]

Մեկ-մեկ բնությունը էնպիսի հրաշքներ կգործի, որ... ինքն էլ կմնա զարմացած

ՇՆՈՐՀԱՎՈՐ ԾՆՈՒՆԴԴ, ՀՐԱ~ԱԱՇՔ

Քեզ... ի՞նչ մաղթեմ, ջան... Ինչ էլ մաղթեմ, ունես:
Մե~ծ, ՄԵԾ երջանկություն քեզ, շա~աատ շատ...

Ու շնորհակալություն, որ կաս...

[Փորփրուկ]

Ծնունդդ, շնորհավոր, Հայկ ջան։ Միշտ շրջապատված լինես էն սիրով, որ ունես։ Երջանկություն քեզ։

[Առողջագետ]

Հայկ ջան, անուշս, ծնունդդ շնորհավոր, թեկուզ այս ժամին դեռ չէիր ծնվել:

Բայց և այնպես, հիշում եմ, որ ծնվեցիր և քեզ մուրաբայի թասի մեջ դրեցին. թմփլիկ և արդեն անուշիկ... ես ինչ իմանայի, որ այսօրվա Հայկ- Philosopher-ը , ու էլ ինչ իմանամ, թե հետո ինչ կդառնաս ու կանես այս աշխարհում:
Երջանիկ լինես, ինչպես այսօր, սիրող ու սիրված, թող կյանքդ պտղաբեր լինի, դու էլ մեր չափ քո զավակի համար աշխատես, ու գիշերը ստիպված լինես չորեքթաթ հին ու մաշված ծծակը փնտրել լացը կտրելու համար` սա իմ փոքրիկ մայրական վրեժը թող լինի:

Շնորհավորում եմ քո առաջին զավակի մեկ տարին, այսօր ԴՆ-ֆորումի մեկամյակն է, Զևսի նման գլխիցդ ծնեցիր, հետո մեզ` տատիին ու պապիին հանձնեցիր պահելու, պահպանելու, մեծացնելու, դու էլ հեռացար այլ աշխարհներ, այլ գործերի:
Ցանկանում եմ այսւոհետ նաև սովորական մարդկային թոռնիկներ պարգևես մեզ` խոստանում ենք պահել, պահպանել, մեծացնել:
Հայկ ջան, անուշս, երջանիկ լինես քո սիրելու հետ, քո պայծառ եղբայրների և ծնողների հետ, քո սիրած "Կյանքի" հետ: Անուշս, թող բոլոր երազանքներդ կատարվեն:

[Հեղինակ]

Philosopher-ս, ծնունդդ շնորհավոր: Այսօրս և ապագաս քեզ եմ նվիրում - քո մեջ եմ տեսնում բոլոր բերքերիս և քո իսկ ցանած արտերի ոսկե բերքահավաքը: Այդ զգացումս ճիշտ քո տարիքին է, այդ զգացումն ունեի, երբ դու - երեք տարեկան մեր տանջարարը - Որոտանի կիրճում խաղում էր աշխարհի հետ...

ՏԱԹԵՎԻ ԾԱՂԻԿ

Հայկիս

Ես բերել եմ քեզ,
Որ այստեղ բացվես,
Իմ անուշ բալիկ,
Տաթևի ծաղիկ:-
Որ այս սարերից
Դու հավաքես ուժ,
Որ այս ծառերից
Սյուք առնես քնքուշ.
Կարծրություն առնես
Քարից ու քերծից,
Խորություն առնես
Որոտնա կիրճից,-
Որ դառնաս երգիչ
Մեր հին քարերի,
Պաշտպան ու մեկնիչ
Մեր սուրբ գրերի.
Ա'խ, այնքան բարձր
Ուզում եմ լինես,
Ա'խ, այնքան բեռ կա,
Որ պիտի կրես:
Դե' շուտ մեծացիր,
Պտուղ տուր բալիկ,
Հույսիս սար դարձիր,
Տաթևի'ս ծաղիկ:
6.8.1985
Տաթև-Որոտանի կիրճ

Եվ այսօր, քո ծննդյան օրը - այս պայծառ աշնան առավոտը - դու, մայրդ, եղբայրներդ, աշխարհը ինձ ասում են - ԻՂՁԴ ԿԱՏԱ~Ր...

[Քանդակագործ]

Ծննունդդ շնորհավոր Հայկ ջան , թող գա ժամանակ , որ մոռանաս ծնունդիդ օրերի թիվը, թող կյանքի հետ պայքարի մեջ ծնվի ու հաստատվի չքնաղ քո ինքնությունը:

[Փայլ]

Հայկ ջան, շնորհավոր: Դու այն մարդկանցից ես, ում դեպքում սովորական բառի օգտագործումը հեչ հարմար չէ: Կուզենայի, որ հենց այդ ոչ սովորկանությունդ երբեք չկորցնես, չնայած չեմ էլ կարծում: Առողջ լինես, երջանիկ լինես…

[Ուրվական]

Հայկս
Ախպերս, շնորհավոր, ապրես, որ ծնվեցիր, ապրեն քո ծնողները, ապրես դու, երկար ապրես, ու միշտ ստեղծագործես՝ արարես, դու առանց դրա չես կարող, իսկ դե ամեն մի հանդիպած խոչընդոտին էլ կողքիդ կանգնած լիքը մարդիկ ունես, նենց որ, ինչ ասեմ, բռատ, շարունակի ապրել ու զգալ, զգացնել ու ապրեցնել...
Խմում ենք

[Tigris]

Սիրելի Հայկ,
Ինչ էլ ասեմ. պակաս կստացուի, արդէն ասուել է: Բարեկամներիդ ու շրջապատիդ սէրը հանդէպ քեզ, շատ բան է ասում, ու չի թողնում մի բան աւելացնել:
Ինչքա՜ն դժուար է գձուձ կեանքում մեծ մտածելը՝ հետաւաբար մեծ մարդ լինելը, որ իմաստասէրների կոչումն է: