ԴՆ Ֆորումը մեկ տարեկան է
Երեկ, հոկտեմբերի 15-ին ԴՆ Ֆորումը դարձավ մեկ տարեկան
Մեկ տարի. աշխատանքի, ջանքի, արժանապատվության մեկ տարի: Այս մանուկը արժանապատվության ծնունդ է, նորը սինթեզելու ու հասցնելու բացառիկ ու հաջողված փորձ, մեկամյա սևաչ մանուկ, որի աչքերի փայլում արդեն երևում է` ուր ու ինչպես է քայլելու: Ու այդ քայլերի հաստատունությունը կանխագուշակված էր
Հպարտ եմ արդեն անհատականություն դարձած մանուկիս ուշիմությամբ ու կյանքին նոր որակ հաղորդելու, իր փափլիկ մանկական ոտիկներով նոր ճանապարհ բացելու առաքելությամբ
ԴՆ Ֆորումը ապրեց ու ունեցավ հրաշալի մեկ տարի: Առանձնապես ցանկանում եմ շեշտել Հեղինակի ու Առողջագետի ջանքը իրենց փոքրիկին մեծացնելու, նրա բարուրը ջերմությամբ շրջապատելու, նրա երազը բառ ու խոսք, սերմ ու հող դարձնելու գործում: Շնորհակալ եմ, սիրելիներս
Ցանկանում եմ շնորհակալություն հայտնել նաև այն բացառիկ մարդկանց, ովքեր իմ կողքին էին մեր մեկամյայի ստեղծման ու հասունացման ընթացքում: Անուն առ անուն առայժմ չեմ թվի, բայց նրանք գիտեն, որ հենց այդ անուն առ անունն է մի օր լսվելու ու ես գիտեմ` անուններ տալու ու գնահատելու միֆականորեն ճշգրիտ գիտությամբ նրանց անունները տալու ժամանակն ու ձևը: Ես ձեզ սիրում եմ
Մի երկու խոսք էլ հենց ֆորումի ու մեկամյայի ականջին. "Դու գիտես ծննդյանդ պատճառը ու առավել լավ գիտես, քան ես, քանի որ դու արդեն ապրել ես այդ պատճառով: Քո մեջ անանուն երազանք եմ տեսնում, անանուն մարդ, անանուն սիրտ, անանուն նպատակ: Ուրեմն բարձր ու իրական նպատակ, ճշմարիտ նպատակ: Եղիր այն ինչ պետք է լինես, եղիր այն, ինչ չես կարող չլինել, եղիր այն, ինչ կաս: Կենացդ դյուցազունների ցեղի նշանակիր շառավիղ: Կենդանի կյանքը` մեր ձեռքերով ու ջերմ ափերում` քեզ պահապան"
Շնորհավորում եմ բոլորիս
Մեջբերել
Re. ԴՆ Ֆորումը մեկ տարեկան է
