Թուրքապատում

[Tigris]

ՍԵՊՏԵՄԲԵՐԻ 6-ԻՆ ԼՐԱՑԱՒ ՍՏԱՄԲՈՒԼՈՒՄ ՊԵՏԱԿԱՆՕՐԷՆ ԿԱԶՄԱԿԵՐՊՈՒԱԾ ՋԱՐԴԵՐԻ 55-ՐԴ ՏԱՐԵԼԻՑԸ

Istanbul Pogrom

[Tigris]

ՏՐԱՊԻԶՈՆԻ ՍԱՆՏԱ ՄԱՐԻԱ ԵԿԵՂԵՑՈՒ ՄԻՋԱԴԷՊԸ ՕՐԱԿԱՐԳԻ ԽՆԴԻՐ ԵՒՐՈՊԱՅՈՒՄ

Վերջերս Տրապիզոնի կաթոլիկ Սանտա Մարիա եկեղեցին ենթարկուել էր յարձակման: «Ազգը» արձագանգել է այս փաստին: Յիշեցման կարգով նշենք, որ փետրուարի 2-ին մի խումբ թուրք ստահակներ գիշերուայ ուշ ժամին աղմուկ-աղաղակ էին բարձրացրել եկեղեցու առջեւ, ապա պայթուցիկ նյութ շպրտել բակ եւ պահանջել էին իջեցնել գմբեթի խաչը, սպառնալով. «Կամ ինքնե՛րդ կիջեցնեք, կամ էլ մե՛նք ենք իջեցնելու, այլապէս կվառենք եկեղեցին»:
Նախքան ոստիկանութեան ժամանումը դէպքի վայր ստահակները ցրուել էին: Թէեւ ոստիկանութիւնը խոստացել էր եկեղեցու պահակներինՙ յայտնաբերել ստահակներին, սակայն, թուրքական թերթերի վկայութեամբ, ոչ միայն հետաքննութիւն չէր սկսել, ոչ էլ գործ էր կազմել, նոյնիսկ դէպքը չէր գրանցել մատեանում: Եթէ որեւէ դէպք չի գրանցւում, կնշանակիՙ տեղի չի ունեցել: Այլ կերպ, Տրապիզոնի ոստիկանութիւնը, կոծկելով դէպքը, պաշտպանութեան տակ է վերցրել ստահակներին:
Ըստ երեւոյթին, այս հանգամանքը պատճառ է դարձել, որ միջադէպը օրակարգի խնդիր դառնայ Եւրոպայում: Երէկ թուրքական կայքէջերը, նշելով այդ մասին, այդ փաստը պայմանավորել են Վատիկանի ռադիոյի հաղորդումով, որը նախ յիշեցրել է Սանտա Մարիա եկեղեցու քահանայ Անդրէա Սանտորոյի չբացայայտուած սպանութիւնը, ապա դէպքին արձագանգելու կոչ է արել Եկեղեցիների դաշնակցութեանը: Այս կոչի հիման վրայ Շվեյցարայի եպիսկոպոսաց խորհրդաժողովը եւ Շվեդիայի բողոքական եկեղեցիների դաշնակցութիւնը, նկատի առնելով քրիստոնեաների նկատմամբ բռնութիւնների ու հալածանքների սաստկացումը Թուրքիայում, զգուշացրել են թուրքական կառավարութեան: Այսպիսով Տրապիզոնի դէպքը դարձել է օրախնդիր նաեւ Թուրքիայի արտգործնախարարութեան համար:
Արտգործնախարարութեան խօսնակ Սելչուք Ունալը «Խաչը գմբեթից չիջեցնելու դէպքում եկեղեցին հրկիզելու» սպառնալիքի առնչութեամբ ասել է, որ Տրապիզոնի ոստիկանութիւնը դէպքից անմիջապէս յետոյ ձեռնամուխ է եղել անհրաժեշտ միջոցառումներին, իսկ դատախազութիւնը իսկոյն սկսել է գործի քննութիւնը: Այնուհետեւ նա շարունակել է. «Մեր երկրում սրբավայրերի դէմ կամ հոգեւորականների նկատմամբ ամէն մի ոտնձգութիւն ամենայն բծախնդրութեամբ հետաքննւում է, եւ դէպքի առնչութեամբ իրականացւում են անհրաժեշտ բոլոր միջոցառումները: Ուշ ի ուշով հետեւում ենք հանգուցեալ եպիսկոպոս Լուիջի Պադովեզէի սպանութեան գործին եւ ակնկալում, որ դատավարութիւնը շուտով կավարտուի»:

Ի դեպ, հանգուցեալ եպիսկոպոսն սպանուել էր 2010-ի յունիսի 3-ին Իսկենդերունում, իսկ 2006-ի փետրուարի 5-ին Տրապիզոնում սպանուեց քահանայ Անդրէա Սանտորոն: Երկու դէպքում էլ մարդասպանը ձերբակալուած է, իսկ սպանութեան պատուիրատուն ու կազմակերպիչներըՙ ոչ: Եթէ մի երկրում օտարերկրացի հոգեւորականներին կազմակերպված սպանում են, եւ սպանութիւնը շարունակ մնում է չբացայայտուած, ինչո՞ւ ոստիկանութիւնը բացայայտի «եկեղեցու խաչը իջեցնելու» սպառնալիքով հանդէս եկողներին: Չէ՞ որ Սանտա Մարիա եկեղեցին տեսախցիկ, իսկ ոստիկանութիւնըՙ սպառնացող ստահակների նկարահանումներն ունեն: Եթէ կենտրոնական թերթերը չեն ստել դէպքի առնչութեամբ Տրապիզոնի ոստիկանութեան վերաբերմունքը լուսաբանելիս, ապա ոստիկանութիւնըՙ սպառնալիքի համար ստահակներին, իսկ Թուրքիայի արտգործնախարարութիւնն էլ միջադէպը կոծկելու համար ոստիկանութեանն է սատարում:

Յ. ՉԱՔՐԵԱՆ
«ԱԶԳ»

[Tigris]

Թուրքիայում ապաստանած սիրիացի կանանց ու երեխաներին բռնաբարում են

Սիրիական Sana հեռուստաընկերութիւնը ցուցադրել է Թուրքիա հեռացած եւ այնույետ կրկին Սիրիա վերադարձած կանանց սարսափելի պատմութիւնները։

Ֆաթմա անունով կանանցից մեկը պատմել է, թէ իրենց սկզբում շատ լավ են ընդունել, սակայն օրեր անց սկսել է իսկական մղձաւանջ։ Նա պնդել է, թէ իրեն պարբերաբար բռնաբարել են, իսկ դիմադրելու դէպքում սպառնացել բռնաբարել նաեւ իր 13 եւ 3 տարեկան աղջիկ երեխաներին։ Ֆաթման նշել է, թե գաղթականների համար նախատեսուած ճամբարում բռնաբարուել է 70-ից ավել աղջիկ երեխայ՝ պնդելով, թէ թուրք զինուորականները եւս մասնակցում էին բռնաբարութիւններին եւ նկարահանում այդ ամէնը։

News.am