Գովազդը և մեր առողջությունը

[Առողջագետ]

Սկսենք նրանից, որ ռուսերեն "реклама" բառը իր հնչողությամբ կրկնում է գերմանացի հայտնի հիգիենիստ, պրոֆեսոր Ռեկլամի ազգանունը:
Մի փնտրեք այս ազգանունը համացանցում. կբերի միայն իմ գիրքը, որտեղ ես նրա մասին գրել եմ, մնացած առումներով այդ փայլուն գործիչը մոռացված է:
Պրոֆ. Ռեկլամը առաջիններից էր, որ գովազդում էր առողջ ապրելակերպ. ճիշտ սնունդ, մաքուր օդ, ջուր, ճիշտ ու առողջ կյանք:
Թե ինչ դառը կատակ խաղաց կյանքը այս ազնիվ գործչի հետ, բոլորդ գիտեք. այսօր ռեկլամը դարձել է ամենայն սխալի, ցածրի, հիվանդագին քարոզչության միջոց:
Վերջին օրերին ԴՆֆորումում ծավալված քննարկումները, հատկապես, այսօրվա Հեղինակի "Այսօրս"-ը ծնեցին այս գաղափարը. մեր ուշադրության կիզակետը դարձնել գովազդը. հանրային առողջության առաջին թշնամիներից մեկը և դիտարկել, թե ինչ մեխանիզմներով է վնասում մարդուն, հատկապես նրա նյարդային համակարգին և առողջությանը ընդհանրապես:
Խաղատուն կարող ենք չգնալ, գիշերային ակումբ ևս, սակայն մեզ և մեր երեխաներին զերծ պահել գովազդի բացասական ազդեցությունից գրեթե անհնար է. տուն է մտնում, դուռը չթակելով`ժամանակակից լպիրշությամբ:
Եկեք բերենք կոնկրետ օրինակներ, վերլուծենք, խոսենք:
Օգնեք ինձ, եթե ցանկանում եք:

[Tigris]

գովազդը. հանրային առողջության առաջին թշնամիներից մեկը և դիտարկել, թե ինչ մեխանիզմներով է վնասում մարդուն, հատկապես նրա նյարդային համակարգին և առողջությանը ընդհանրապես:

Անհանգստացնում է լեզուական ու արտասանական սխալները, օտարամոլութիւնը, նոյն դադարում գովազդի կրկնումը (միթէ՞ չենք հասկանում մի անգամից) եւայլն:

[Առողջագետ]

Ահա մեկ անգամ գայթակղվեցինք և ցանկացանք մի ֆիլմ նայել մեր նոր մշակութային ալիքով: Դա այն ֆիլմն է, որ մանկատանը մեծացած տղայի-մանկաբարձի, Հոմերի կյանքի մասին էր: Եվ ահա նորից պատահեցինք այդ նույն երևույթին, որից զզվում ես և որոշում այլևս հեռուստացույցով ֆիլմ չնայել: Ֆիլմը ընդմիջվեց 4-5 գովազդային ընդմիջումներով, որոնցից յուրաքանչյուրը տևում է ուղիղ 15 րոպե, բոլորովին շեղելով ուշադրությունդ, խիստ նյարդայնացնելով, բոլորովին մոռացության մատնելով ֆիլմի ընթացքը, բովանդակային գիծը և զգացմունքը:
Ընդհանրապես, գտնում եմ, որ գովազդի ահավոր վտանգը հանրային առողջության համար հենց այստեղ է. մարդը համակ ուշադրությամբ հետևում է ֆիլմի ընթացքին, ռեզոնանսի մեջ մտնում ֆիլմի զգացմունքային վիբրացիաների`տատանումների հետ, և հենց այդ պահին` ի դեպ դիվային հաշվարկով ճշգրտորեն հաշվարկված պահին, ֆիլմը ընդհատվում է... և սկսվում է բոլորովին այլ տաատնումների ալիք` գովազդը: Վստահ եմ, որ եթե այդ պահին մարդկանց մոտ հետազոտություններ անցկացվեին ուղեղի էլեկտրական ակտիվության հետ կապված, ապա անպայման կհայտնաբերվեին արտառոց էլեկտրական իմպուլսներ, նախացնցումային ակտուվություն ունեցող մարդկանց /էպիլեպսիաի նոպաներ կամ հակում/ մոտ հնարավոր են անգամ ուղղակի նյարդային հիվանդության կլինիկական դրսևորումներ:
Գուցե այդպիսի հետազոտություններ կան, չեմ ուսումնասիրել:
Ահա ուրեմն, ավելի քան վստահ եմ, որ գովազդային ընդմիջումները, հատկապես, ֆիլմերի ցուցադրության ժամանակ, պետք է հանել: Անհամ հաղորդումների/նկատի ունեմ զգացմունքային լարում չառաջացնող/` քաղաքական վերլուծությունների, դատարկ շոուների, անիմաստ տեքստերի հետ թերևս կարելի է զուգակցել...
Հանել գովազդը ֆիլմերից` այս է պահանջում հանրային առողջության շահը: Եթե այս քայլը չիրականացնել, պետք է համարել, որ պետությունը ի շահ բիզնեսի հանցակից է դառնում հանրությունը հիվանդացնող բոլոր ուժերին և նպաստում դրան:
Հույս ունեմ, որ դեռ իմ կյանքի ընթացքում գովազդի` որպես խիստ հինանդածին երևույթի,վերջը կտեսնեմ:

[Sufi]

Վերջերս մի հայկական հեռուստաալիքով ականջիս հասավ մի այսպիսի կոչ-հրահանգ. "ժամանակն է վաճառել ձեր բնակարանը", հետո համոզիչ մի տեքստ, թե անպայման հարկավոր է դիմել անշարժ գույքի ոմն գործակալությանը /անունը չեմ հիշում/ և այնտեղ կօգնեն հնարավորինս արագ իրականացնել այդ հրահանգը: Արդեն հասել ենք նրան, որ տանը նստած հեռուստացույց նայելիս մեզ բավականին ագրեսիվորեն ներարկվում Է միտք, որ ժամանակն է տունը վաճառել...Կարծում եմ ոչ այդ գովազդի պատվիրատուն և ոչ էլ հեղինակը չեն գիտակցում թե ինչ են արդեն դուրս տալիս հեռուստաեթերից /կներեք, բայց այլկերպ հնարավոր չէ արտահայտել իրենց արածը/ : Իսկ մի թե չկա որևէ վերահսկիչ մարմին, որ կանխի նման տնաքանդ կոչերի հեռարձակումը: Փաստորեն ստացվում է, որ ռեկլամ կոչեցյալը ոչ միայն վնաս է հասցնում ժողովրդի առողջությանը, այլև, կոնկրետ այս դեպքում իր մեջ սոցիալական վտանգ է պարունակում:

[Առողջագետ]

Սիրելի մեզ "անհայտ" Sufi, միանգամայն համաձայն եմ: Շատ կուզեի, որ մեր ֆորումի անդամները բերեին կոնկրետ օրինակներ, որոնք ակնհայտ կդարձնեին, թե ինչպես են մեզ տրվող խորհուրդները վնասում մեր կյանքին և առողջությանը:
Կարծում եմ, նյութը շատ է: Թեկուզ դեղերի գովազդը, կամ ծարավը ագահորեն հագեցնելու /հակառակ բոլոր ուսմունքների մեջ եղած արթնության և զսպվածության կոչի/, էլ չեմ ասում հակամշակութային բովանդակության...
Եվ այսպես, շարունակենք ...