Քանդակագործ. շնորհավոր :)

[Philosopher]

Այսօր Քանդակագործի ծնունդն է, մեր պայծառ եղբոր ու ընկերոջ, մարդու կենացը

Շնորհավոր, Վահան ջան: Քեզ մարդկային մեծ սեր ու քո տեղում լինելու, քո կյանքը թոքերովդ քամելու երջանկություն:

Շնորհավոր, եղբայր

[Հեղինակ]

Վահանս, ծնունդդ շնորհավոր: Քեզանից հար ու հավետ շնորհակալ եմ, որ սիրտս, հայացքս, աչքերս քո կաթնահոտ բարուրին բևեռեցիր - և քեզ սիրելով ու խնամելով` ես երջանիկ մարդ եղա ու կամ... Եղա քո մանկության բանաստեղծ-տարեգիրը: Այսօր արդեն քո մարդկային կերպարի տարեգիրն եմ - սրտիս մեջ... Այսօր էլ շատ պայծառ ես դու, բայց մանկությանդ հմայքը ուրի~շ էր...

Երկինք կապույտ, երկիր տաքուկ,
Մի առավոտ արևընծա, –
– Իմ սիրելի' և իմ մանու'կ,
Արևի մեջ ես ձեզ գտա:

Կապույտ բարուր` երկնից ձևած,
Ամպի ճերմակ ժանյակներով,
Նրա մեջ մի տաք արարած`
Քնքուշ ու մեղմ շողիկներով:

Արքայազն է, լուսե մանուկ,
Որ ծնվել է երկրիս համար, –
– Նրան ինձ տո'ւր, իմ գիրկը տո'ւր,
Իմ երջանիկ արքայամայր:

Վահանս, երջանիկ լե~ր...

[Առողջագետ]

Վահանս, անուշս, ծնունդդ շնորհավոր: Որքան էլ ուզում եմ, նոր բառեր չեմ գտնում: Մայրական համընդհանուր մաղթանքներն են միայն մտքիս գալիս:
Ասում էիր, այդ ինչ գաղտնի ցանկություն էր, որի կենացը խմեցինք... սակայն կարծում եմ, որ գիտես, քանի-որ քո սիրտը ամեն-ինչ գիտի:
Անուշս, առողջություն, սեր և երջանկություն է ուզում սիրտս քեզ համար: Հայացքդ միշտ այսքան արևոտ տեսնեմ:

ԾՆՈՒՆԴԴ ՇՆՈՐՀԱՎՈՐ, ՍԻՐԵԼԻ ԶԱՎԱԿՍ

[Tigris]

Քանդակագո՛րծ՝ Շնորհաւո՜ր,
Ծնունդովդ ենք բախտաւոր.–
Ծանրակշիռ խօսքն է հայելիդ
Ձեւին, չափին, տիրապետումիդ:

Մեկ ե՞ս, սէր երկու դառնաս,
Չորս, հինգ՝ ինչո՞ւ չէ՝ եւ տաս,
Շնչող քանդակնե՜ր կերտես–
Հօրդ պապիկ դարձնես: