Երջանկություն

[dire]

Շատերը խոսում են այն մասին, որ երշանկությունն այլ մարդկանց երջանկացնելու մեջ է: <<Ամենաերջանիկ մարդը նա է, ով երջանկություն է պարգևում մեծ թվով մարդկանց>>, - ասում էր ֆրանսիացի փիլիսոփա Դենի Դիդրոն:
Համաձայն եք այն մոտեցման հետ, որ ուրիշը կարող է երջանկացնել Ձեզ?

[Tigris]

Շատերը խոսում են այն մասին, որ երշանկությունն այլ մարդկանց երջանկացնելու մեջ է: <<Ամենաերջանիկ մարդը նա է, ով երջանկություն է պարգևում մեծ թվով մարդկանց>>, - ասում էր ֆրանսիացի փիլիսոփա Դենի Դիդրոն:
Համաձայն եք այն մոտեցման հետ, որ ուրիշը կարող է երջանկացնել Ձեզ?

Եթէ ես երջանկանալ չեմ ուզում, ուրիշը ի՛նչ էլ անի չեմ երջանկանալու:

[dire]

Կա տեսակետ, որ մարդն ինչքան քիչ մտածի երջանիկ լինելու մասին, այնքան ավելի երջանիկ կլինի: Եվ հակառակը. որքան մարդն ավելի շատ ձգտի երջանկության, այնքան ավելի դժվար կլինի երջանկության հասնելը:
Արդյոք երջանիկ լինելու համար պետք է անընդհատ ձգտել երջանկության?

[Tigris]

...

Կա տեսակետ, որ մարդն ինչքան քիչ մտածի երջանիկ լինելու մասին, այնքան ավելի երջանիկ կլինի:

Չեմ կարծում: Ոմանք «անջատուած» են ընդհանրապէս ու միշտ երջանիկ են թւում:

Եվ հակառակը. որքան մարդն ավելի շատ ձգտի երջանկության, այնքան ավելի դժվար կլինի երջանկության հասնելը:

Երջանկութեան հասնելու թիրախը, երբեմն, սխալ է նշանակւում, կամ՝ երջանկութեան քաղցածութիւն կայ՝ հասնում ենք նրան, բայց թւում է չենք հասել:

Արդյոք երջանիկ լինելու համար պե՞տք է անընդհատ ձգտել երջանկության

Երջանկութեան բանալին առողջութիւնն է, առողջութեանը՝ ներդաշնակ, հաւասարակշռուած ու կանոնակարգուած ապրելակերպը:

[Նինուրտա]

Շատերը խոսում են այն մասին, որ երշանկությունն այլ մարդկանց երջանկացնելու մեջ է: <<Ամենաերջանիկ մարդը նա է, ով երջանկություն է պարգևում մեծ թվով մարդկանց>>, - ասում էր ֆրանսիացի փիլիսոփա Դենի Դիդրոն:
Համաձայն եք այն մոտեցման հետ, որ ուրիշը կարող է երջանկացնել Ձեզ?

Երջանկությունն ու դժբախտությունը կողք կողքի են: Քանի որ մարդիկ տարբեր են, հնարավոր չէ ունենալ հասարակոււթյուն, որտեղ բոլոր մարդիկ երջանիկ լինեն: Կյանքում լինում են իրավիճակներ, երբ մեկի երջանկությունը բերում է մյուսի դժբախտությանը:
Օրինակ Ժան-Ժակ Ռուսոն ասել է. << Երջանիկ լինելու արվեստն այն բանի գիտակցումն է, որ երջանկություը քո ձեռքերում է>>: Տարբեր փիլիսոփաներ տարբեր բաներ են ասել, այսպես եթե վերլուծենք բոլորի ասածները, ապա բոլորի մեջ էլ ճշմարտություն կա:
Իսկ ես կարծում եմ, որ մարդը երբեք չի կարող լիարժեք երջանիկ լինել, որովհետև երջանկությունը տևական ուրախություն է և նրանով է մարդը առանձնահատուկ, որ երբեք չի բավարարվում ձեռք բերածով:

[Առողջագետ]

Փիլիսոփաները ասում են տարբեր և միշտ ճիշտ բաներ: Կա երևի նաև հատուկ հասկացություն`մայրական երջանկություն. դա սիրելի մարդկանց`ամուսնու և զավակների խաղաղ, ներդաշնակ, ջերմ և սիրով լցված կյանքի և աշխատանքի վայելքն է, նրանց պայծառ դեմքերի ըմբոշխնումը:

[Գրիշ]

... և նրանով է մարդը առանձնահատուկ, որ երբեք չի բավարարվում ձեռք բերածով:

Մի կողմից լավ է, քանզի նա միշտ կձգտի հասնել ավելի մեծ բարձունքների, սակայն, մյուս կողմից, նա, ով չի գնահատում քիչը, անկարող կլինի իրեն երջանիկ զգալ, նաև մեծ հարստություններով և հաջողություններով շրջապատված: Ինձ համար երջանիկ է նա, ով կարողանում է խոհեմությամբ տանել դժվարություններն ու աղքատությունը և առանց գոռոզանալու հասնել հաջողությունների: