Վահան Տէրեան
ԻՄ ԽԱՂԱՂ ԵՐԵԿՈՆ Է ՀԻՄԱ...
Իմ խաղաղ երեկոն է հիմա՝
Մեղմալոյս եւ տխուր եւ անուշ.
Քեզ երբեք սիրտս չի մոռանայ,
Իմ մաքուր, առաջին իմ անուրջ...
Տարիներ, տարիներ կը սահեն,
Կը մեռնեն երազները բոլոր.
Քո պատկերը անեղծ կը պահեմ
Օրերում անհաստատ ու մոլոր։
Եւ տանջանք, եւ բեկում, եւ թախիծ,
Սեւ օրեր ես դեռ շատ կը տեսնեմ.
Անունդ թող փարոս լինի ինձ՝
Սուտ կեանքի եւ դառը մահու դէմ...
ՎԱՀԱՆ ՏԷՐԵԱՆ
Զգացնել տուր թշնամիիդ, որ ամէն վարկեան պատրաստ ես պատերազմելու եւ նա կը հրաժարւի զինու ուժով քեզ անհանգստացնելու մտքից:
Վահան Տէրեան
ՔՈ ԱՉՔԵՐԻ ԴԷՄ
Քո աչքերի դէմ իմ աչքերը՝ կոյր,
Կայ քո հոգու մէջ անթափանց մի մութ,
Քո մութ հայեացքում կայ մի քնքուշ սուտ՝
Քեզ միշտ թաքցնող մի նուրբ վարագոյր:
Փակ են քո սրտի հեռուներն իմ դէմ,
Յաւէտ քեզ կապուած՝ քեզ օտար եմ ես.
Երբ խենթ խնդութեամբ փայփայում եմ քեզ՝
Եւ սիրում եմ քեզ եւ քեզ չգիտեմ։
Փակ են քո սրտի հեռուներն իմ դէմ
Քո աչքերի դէմ իմ աչքերը՝ կոյր.
Քո հոգու վրայ կայ մի վարագոյր,-
Ո՞վ ես դու, ո՞վ ես,- բնաւ չգիտեմ
ՎԱՀԱՆ ՏԷՐԵԱՆ
Զգացնել տուր թշնամիիդ, որ ամէն վարկեան պատրաստ ես պատերազմելու եւ նա կը հրաժարւի զինու ուժով քեզ անհանգստացնելու մտքից:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել