Իմ քանդակները

[Քանդակագործ]

Այս թեմայում ներկայացնելու եմ իմ քանդակների լուսանկարները: Կցանկանայի լսել կարծիքները:

[erjankutyun]

Հիանալի է
Միշտ կարծել եմ , որ քանդակագործությունը արվեստի հզոր տեսակ է, քանի որ քարին հաղորդվում է շնչառություն:
Ես զգացի Ձեր ասեղծագործությունների շնչառությունը

[Քանդակագործ]

Շնորհակալություն սրտառուչ գնահատականի համար:

[Sita]

Քանդակը շատ լավն է, բավականին հմուտ կերպով է կերտված, շունչ ունի, բայց այ մի բան պակասում է, քո ուրույն ոճը չեմ տեսնում,

[Փորփրուկ]

Վայ, ի՜նչ կենդանի քանդակներ են... Հատկապես երրորդը շատ հավանեցի. հույզերը բավական լավ են պատկերված, շատ տպավորիչ է։ Մարդ էդ մանչուկին նայելիս ուզում է մխիթարել... Էնքան բնական է լացում։

Իսկ այ վերջինը կարգին չի երևում...

[Evanjel]

Այս թեմայում ներկայացնելու եմ իմ քանդակների լուսանկարները: Կցանկանայի լսել կարծիքները:

Այս մեկն ինձ հատկապես դուր եկավ դեմքի արտահայտությունը շատ լավ ա ստացվել, ներքին ազդող տրամադրություն կա...

[Սամվել]

Հիանալի քանդակներ են ... Խոսքեր չկան

[Black Orchid]

Ինձ էլ շատ դուր եկան քանդակները... Հատկապես 2-րդը. նկարն աստիճանաբար էր բացվում, ու մանրամասն զննում էի դրա յուրաքանչյուր նոր երևացող հատված... Իսկապես հրաշալի էր. այնքան բնական էր ամեն ինչ (մանավանդ թևերն ու փորի հատվածը)... Մնում էր, որ գույնն էլ համապատասխաներ մարդկային մաշկի գույնին ու... հաստատ չէի հավատա, որ ձեռքի գործ է:

[Քանդակագործ]

Քանդակը շատ լավն է, բավականին հմուտ կերպով է կերտված, շունչ ունի, բայց այ մի բան պակասում է, քո ուրույն ոճը չեմ տեսնում,

Շնորհակալ եմ գնահատականների համար, իսկ ուրույն ոճի մասին կասեի, որ հենց տրամադրություն ստեղծելու մեջ էլ տեսնում եմ սեփական ձեռագիրը: նշեմ նաև , որ առաջին երեք քանդակները ստեղծվել են պատվերով, և պատվիրատուի կողմից պայման է դրվել մնալ դասական մոտեցման սահմաններում, իսկ այլ մոտեցման քանդակներ դուք դեռևս կտեսնեք:

[Փայլ]

Քանդակների նկարներին նայելուց ինձ հիմնականում մեկ բան էր հուզում: Ի՞նչ են ասում այս քանդակներն ինձ: Այնքան ներդաշնակ էին ներկայացված աշխատանքն ու քարը, և պատկերները այնքան բնական էին մոտեցնում մոտիկն ու հեռուն, ծնունդն ու կյանքը, որ միայն ներքին զգացման վրա հույս դնել ամփոփված կարծիք կազմելու համար չի կարելի: Սխալվելու վտանգ կա: Այս քանդակները խորապես հասկանալ է պետք, իսկ հասկանալու համար՝ ժամանակ: