Ինչ անել...հարբուխի, ջերմության, ճնշման բարձրացման,...

[Առողջագետ]

Եվ այսպես, որոշեցինք չտխրել հարբուխից, հասկանալ, որ հիվանդությունը եկել է մեզ առողջացնելու, մաքրելու և գուցե ավելի ծանր ու տհաճ հիվանդություններից ազատելու; այս գիտակցումը ամենակարևորն է: Մնացածը, ինչպես ասում են "дело техники", բայց սա էլ անհրաժեշտ է իմանալ և անպայման կիրառել, քանի-որ ինչ էլ իմանաս կամ կարդացած լինես, չի օգնի, եթե չկիրառես: Հիվանդներից հաճախ եմ լսում. դա ես գիտեմ, սա ես էլ եմ կարդացել, այսինչ գիրքը ունեմ... Բայց երբ հարցնում ես, ինչ է ուտում, ինչ խմում, ինչպես բուժվում, պարզ է դառնում, որ առանց կիրառելու ամեն ինչ անօգուտ է:
Եվ այսպես, նախ սննդի մասին.
- հատկապես, եթե ջերմում եք, ցանկալի է որևէ եփած սնունդ չուտել. օրվա ընթացքում ուտել միրգ, երկու ժամ հետո բանջարեղեն /սալաթ/, մի երկու ժամ հետո որևէ թեյ խմել` խնկածաղիկով, երիցուկով կամ մեկ այլ, ձեզ համար հաճելի թեյ, լավ է կիտրոնով /կամ տնական խնձորի քացախով/, մեղրով: Եթե շատ քաղցած կլինեք, կարելի է սալաթը ուտել մեկ-երկու կտոր սև հացով, ծայրահեղ դեպքում մի-փոքր թարմ եփած շիլայով կամ փլավով /միայն ծայրահեղ դեպքում, և եթե ջերմություն չունեք/: Եվ այսպես երկու-երեք օր, մինչև գրեթե լրիվ լավ լինեք:
Սա էապես կկրճատի հիվանդության տևողությունը և
կնպաստի արագ առողջացմանը: Չասեք, մենք դա գիտեինք, հետո ինչ, որ գիտեիք, բա այդ տոննաներով պառացետամոլները, անալգին-դիմեդրոլները, հակաբիոտիկները ովքեր են առնում, եթե մենք բոլորս ամեն ինչ գիտենք:
-չափազանց օգտակար են բնական /տնական/ խնձորի քացախով շփումները, օրը մեկ- երկու անգամ, չմրսելու պայմանով. թեթևանում են մկանային ցավերը, գլխացավը, իջնում է ջերմությունը, հեշտանում է թափոնների արտազատումը մաշկի միջոցով /իսկ մաշկը ավելի շատ թափոններ կարող է հանել, քան անգամ երիկամները, եթե թույլ թթվային միջավայր ունենա/;
-երբեք չդադարեցնել հոսքը քթից, աչքերից, թույլ տալ, որ "մաքրվեն". սովորական բժշկության մեջ այս մոտեցումը ընդունված չէ, և "քթի կաթիլները" լայնորեն գովազդվում են, սակայն դրանք չափազանց վտանգավոր են, հատկապես երեխաների համար, և ապագայում ոչ միայն հայմորիտներ և օտիտներ կարող են առաջացնել, այլ, ինչպես Ավիցեննան է գրում /ես էլ համոզվել եմ/ , կարող են դառնալ տարաբնույթ ցնցումների, անգամ էպիլեպսիայի պատճառ: Ավելի լավ է ինհալացիա անել, ողողումներ քթի և կոկորդի թույլ աղաջրով, յոդինոլով, և այլն:
Ըստ էության, համբերության և դրական հոգեվիճակի դեպքում այսքանը պետք է որ բավարար լինի: Աշխատեք խիստ անհրաժեշտ դեպքերում միայն դեղ օգտագործել; անգամ անմեղ թվացող անալգինը, բարալգինը և մյուսները... Եթե ուզում եք բժշկական "սարսափ" կարդալ, կարդացեք Эндрю Четли: "Проблемные лекарства". Այսքանը ընդհանուր օգտագործման համար, քանի-որ մնացածը կապված է կոնկրետ իրավիճակների հետ:

[Առողջագետ]

Աշուն է` հարբուխը, մրսածությունը, գրիպը "դարանակալել" են մարդկանց: Ինչ անել... Այս էջը նոր և ոչ ստանդարտ լուծումների համար է ստեղծված, և ահա առաջին կարևոր գաղափարը: Ըստ սովորական բժշկական մոտեցումների, պատճառը մի չարամիտ մանրէ կամ վիրուս է, որ թափանցում է մեր օրգանիզմ մեկ այլ հիվանդից, և... ախտահարում, հիվանդացնում մեզ: Ելքը, իհարկե, մեկն է` պայքարել, դեղագիտության ամբողջ ուժով հարձակվել և կոտորել, հաղթել...: Ցավոք սրտի, հաղթանակը հաճախ պյուրրոսյան է լինում... և տարիների մեջ վերածվում տարբեր քրոնիկական հիվանդությունների, անակնկալ երիկամային անբավարարության, լյարդի ախտահարման, աթերոսկլերոզի, ճիճվակրության, ընդհուպ մինչև քաղցկեղ և սարսափազդու տարիքային տկարամտություն կամ Ալցհեյմերի հիվանդություն:
"Դեղերը, կարծես, ստեղծված են մեզ տարիքային տկարամտությանը մոտեցնելու համար"- այսպես է գտնում ամերիկյան խոշոր հեղինակը:
Իսկ ահա թե ինչպես է մոտենում այս հարցին առողջագիտությունը-բնաբուժությունը: Կյանքի, կենսագործունեության րնթացքում օրգանիզմի ներքին տարածքը աղտոտվում է, տարբեր օրգաններում թափոններ են կուտակվում: Եվ ահա, երբ փոխվում է եղանակը, կամ սթրես է առաջանում կամ մարդը ուղղակի վարակվում է մեկ ուրիշից, իմուն համակարգը "թուլանում" է, իսկ մանրեն կամ վիրուսը ուժեղանում և սկսվում է հիվանդությունը: Սակայն բնության "միտքը" բարի է, մանրեն կամ վիրուսը մեզ լուրջ վնաս տալ չեն կարող, եթե մենք ճիշտ ու գրագետ բուժվենք. նրանք "զորավարժություններ" են կազմակերպում մեր իմուն համակարգի համար, հզորացնում մեր ներքին "զորքը", նոսրացնում և ապա դուրս բերում, նաև ջերմության մեջ այրում այն աղբը, որ կուտակել ենք սխալ սննդից, սխալ ապրելակերպից:
Ի վերջո, եթե "ճիշտ" հիվանդանանք, գործենք ըստ Բնության տրամաբանության և ոչ դրան հակառակ, ապա այդպիսի հիվանդությունից հետո մեր առողջությունը պետք է որ ավելի լավ լինի: Մենք ուղղակի հիվանդանալու օրենքները չգիտենք...
Այստեղ կաշխատենք ձեզ սովորեցնել:
Իսկ եթե ուզում եք ընդհանրապես չհիվանդանալ, դա էլ է հնարավոր` կոչվում է կանխարգելիչ կամ առողջ ապրելակերպի բժշկություն:
Իսկ այժմ առաջին բանալին. ուրախ հիվանդացեք, թեթև սրամադրությամբ, վստահեք Բնության իմաստությանը, տեսեք, ինչ է ասում ձեզ այս հիվանդությունը: Գուցե հեռացնում է ձեզանից ավելի ծանր հիվանդություններ: Գուցե, բնությունը այլ ելք չուներ ձեզ պառկեցնելու, գործերից կտրելու կյանքի մասին խորհելու համար...